Qazaqstandyq stýdent Tomiris Baisafanyń ólimine qatysty Daǵystan úkimetiniń burynǵy basshysy Mýhtar Medjidovtyń uly Mýrtýzali Medjidov qamaýǵa alyndy, dep habarlaidy "Ult aqparat".
«Máskeý qalasynyń Basman aýdandyq sotynyń qaýlysymen aiyptalýshy Medjidov Mýrtýzali Mýhtarovichke qatysty 2020 jyldyń 28 qyrkúiegine deiin qamaýǵa alý týraly bultartpaý sharasy qabyldandy», - dep habarlaidy TASS agenttigi Basman sotynyń baspasóz qyzmetine silteme jasap.
Tomiris Baisafanyń anasy Janna Ahmetova osy iske qatysty jańa derekterden habardar bolǵanyn málim etti.
«Aiǵaqtar tabylypty. Ol ustaldy. Biraq istiń mán-jaiy maǵan áli belgisiz», - degen anasy M.Medjidovtyń ustalǵany týraly aqparatty Máskeýde rastaǵanyn aitty.
Janna Ahmetova tergeý barysymen bailanysta otyr. Karantin sharalary alynǵannan keiin Resei astanasyna ushyp barmaq.
Eske sala ketsek, 2018 jyldyń sáýir aiynda qazaqstandyq stýdent qyz Tomiris Baisafa Máskeý memlekettik halyqaralyq qatynastar institýtynyń terezesinen qulap ketken edi.
Ol 3 mamyrda aýrýhanada qaitys boldy. Qyzdyń ata-anasy onyń ózine qol salǵandyǵyna qatysty tergeýdiń nusqasymen kelispei, tergeýdiń ádil júrgizilýin talap etken edi.Keiinnen QR Adam quqyqtary jónindegi ýákili (ombýdsmen) Asqar Shákirov Resei Federatsiiasynyń ombýdsmeni Tatiana Moskalkovaǵa Tomiris Baisafanyń ólimin tergeýge kómek suraǵan bolatyn.
