Tomiris Baisafany óltirý isi boiynsha otyrys bas aiyptalýshy Mýrtýzali Medjidovtyń kelmeýine bailanysty keiinge qaldyryldy. Bul týraly marqumnyń anasy Janna Ahmetova aitty, - dep habarlaidy Tengrinews.kz tilshisi.
Janna Ahmetova Instagram-daǵy jeke paraqshasynda Máskeýdegi sońǵy oqiǵalar týraly jazba jariialady.
"09.02.22 Máskeýdiń Izmailov aýdandyq sotynda otyrys ótýi kerek edi, biraq Medjidovtyń kelmeýine bailanysty bolǵan joq. Olar apelliatsiiasynyń sheshimin kútip júr, sol úshin jańa sotqa kelmedi.
14.02.22-ge aýystyryldy, olar qaita kelmeitinine senimdimin", - dep jazdy Ahmetova.
Eske salaiyq, 2018 jyldyń 13 sáýirinde MMHQI Halyqaralyq ekonomikalyq qatynastar kafedrasynyń tórtinshi kýrs stýdenti Tomiris Baisafa jumbaq jaǵdaida JOO-nyń tórtinshi qabatynyń terezesinen qulap ketken. Aýyr jaraqat alyp, kóp qan joǵaltqan. Sol jyldyń 3 mamyrynda Tomiris Sklifosovskii ǵylymi-zertteý institýtynda qaitys boldy.
Tomiris Baisafany óltirdi degen kúdikpen Daǵystannyń burynǵy premer-ministriniń uly Mýrtýzali Medjidov ustalǵan edi.
