توميريس بايسافانى ٶلتٸرۋ ٸسٸ بويىنشا وتىرىس باس ايىپتالۋشى مۋرتۋزالي مەدجيدوۆتىڭ كەلمەۋٸنە بايلانىستى كەيٸنگە قالدىرىلدى. بۇل تۋرالى مارقۇمنىڭ اناسى جاننا احمەتوۆا ايتتى, - دەپ حابارلايدى Tengrinews.kz تٸلشٸسٸ.
جاننا احمەتوۆا Instagram-داعى جەكە پاراقشاسىندا مەسكەۋدەگٸ سوڭعى وقيعالار تۋرالى جازبا جارييالادى.
"09.02.22 مەسكەۋدٸڭ يزمايلوۆ اۋداندىق سوتىندا وتىرىس ٶتۋٸ كەرەك ەدٸ, بٸراق مەدجيدوۆتىڭ كەلمەۋٸنە بايلانىستى بولعان جوق. ولار اپەللياتسيياسىنىڭ شەشٸمٸن كٷتٸپ جٷر, سول ٷشٸن جاڭا سوتقا كەلمەدٸ.
14.02.22-گە اۋىستىرىلدى, ولار قايتا كەلمەيتٸنٸنە سەنٸمدٸمٸن", - دەپ جازدى احمەتوۆا.
ەسكە سالايىق, 2018 جىلدىڭ 13 سەۋٸرٸندە ممحقي حالىقارالىق ەكونوميكالىق قاتىناستار كافەدراسىنىڭ تٶرتٸنشٸ كۋرس ستۋدەنتٸ توميريس بايسافا جۇمباق جاعدايدا جوو-نىڭ تٶرتٸنشٸ قاباتىنىڭ تەرەزەسٸنەن قۇلاپ كەتكەن. اۋىر جاراقات الىپ, كٶپ قان جوعالتقان. سول جىلدىڭ 3 مامىرىندا توميريس سكليفوسوۆسكيي عىلىمي-زەرتتەۋ ينستيتۋتىندا قايتىس بولدى.
توميريس بايسافانى ٶلتٸردٸ دەگەن كٷدٸكپەن داعىستاننىڭ بۇرىنعى پرەمەر-مينيسترٸنٸڭ ۇلى مۋرتۋزالي مەدجيدوۆ ۇستالعان ەدٸ.
