Zańger Aigúl Orynbek Aqtóbe oblysyndaǵy jylqyshy Rahat Sársenovke qatysty qoǵamda qyzý talqylanyp jatqan iske bailanysty pikir bildirip, jurtshylyqty áleýmettik jelide taraǵan aqparatqa birden senbei, oqiǵanyń barlyq mán-jaiyn zertteýge shaqyrdy, dep habarlaidy ult.kz.
Onyń aitýynsha, alǵashqy jariialanǵan beinejazba qoǵamnyń emotsiiasyna áser etip, kópshiliktiń birjaqty pikir qalyptastyrýyna sebep bolǵan. Zańger istiń materialdarymen tanyspai turyp qorytyndy jasaýǵa bolmaitynyn atap ótti.
Sondai-aq Aigúl Orynbek Rahat Sársenovtiń apelliatsiialyq sot arqyly tolyq aqtalmaǵanyn, tek shartty túrde jáne amnistiia negizinde bosatylǵanyn aityp, bul onyń buryn qylmystyq jaýapkershilikke tartylǵanyn bildiretinin jetkizdi.
Zańgerdiń sózinshe, bul oqiǵadaǵy eń alańdatarlyq jaittardyń biri – insýlt alǵan qarttyń eńbek etýin jalǵastyrýy. Ol mundai jaǵdailarǵa tek jekelegen adamdardy aiyptaý turǵysynan emes, egde jastaǵy azamattardyń quqyqtaryn qorǵaý jáne olardyń áleýmettik jaǵdaiyn jaqsartý turǵysynan qaraý qajet ekenin aitty.
Sóz sońynda Aigúl Orynbek azamattardy emotsiiaǵa ermei, tek zań men naqty derekterge súiene otyryp pikir qalyptastyrýǵa jáne jalǵan aqparattyń jeteginde ketpeýge shaqyrdy.
