Túrkistan oblysy, Tólebi aýdanynda nóserli jaýyn saldarynan sý shaiǵan úiler boi kóterýde. Apatty dep tanylǵan 38 baspana tolyq súrilip, búginde 28 úidiń irgetasy qalanǵan, dep habarlaidy "Ult aqparat".
Qaita salynyp jatqan úilerdiń qurylysymen tótenshe jaǵdaiǵa qatysty qurylǵan komissiianyń tóraǵasy, oblys ákiminiń orynbasary Meiirjan Myrzaliev tanysyp qaitty. Ol merdigerlermen kezdesip, qurylystyń sapaly atqarylýy boiynsha birqatar tapsyrmalardy júktedi. Búginde bul aýmaqta qurylysshylar birneshe úidiń qabyrǵasyn qalaýǵa kirisip ketken. Al, sý shaiǵan aýmaqta qurylys jumystaryn shilde aiyna deiin aiaqtaý josparlanýda. Bul jumystar aimaq basshysy Ómirzaq Shókeevtiń turaqty baqylaýynda.
Aita keteiik, tolassyz jaýǵan nóser jaýynnyń saldarynan Tólebi aýdanyndaǵy ózenderdiń sý deńgeii kóterilgen bolatyn. Nátijesinde 6 eldi mekendegi 200-den astam turǵyn úilerdiń aýlasyna sý kirgen bolatyn. Tótenshe jaǵdaidyń zardaptaryn joiý jumystary shuǵyl túrde qolǵa alynǵan. Sonyń arqasynda sý shaiǵan 4 kópirge eki táýliktiń ishinde ótkelder ornatylyp, 32 shaqyrym aryq-atyz tazartylǵan. 3,5 myń qappen aryq erneýleriniń deńgeii kóterilip, 4,2 shaqyrym qashyrtqy qazyldy. Qazir aýdan turǵyndary úshin eshqandai qaýip joq. Jergilikti deńdeidegi tótenshe jaǵdai saldarynan qiyndyqqa kez bolǵan turǵyndar kóp uzamai baspanalaryna qaita oralatyn bolady.
