Tolassyz jaýǵan jańbyr saldarynan Túrkiianyń Izmir qalasynyń basty dańǵyldary men kóshelerinde sý tasqyny boldy.
Sońǵy birneshe kúnde Izmirde eki ret jer silkinip, sý tasqyny boldy jáne sel túrinde tabiǵi apattar bolyp jatyr. Bul týraly Anadoly agenttigi habarlady.
Izmir qalasynyń gýbernatory Iavýz Selim Kioshgerdiń aitýynsha, tótenshe jaǵdailar qyzmeti jumyldyryldy. Olar sý tasqyny men sel saldaryn boldyrmaý úshin jumys isteidi. Kommýnaldyq qyzmetter men qutqarý toptary sý basqan aimaqtarǵa tartyldy. Sýdy sorǵyzý, jerasty ótkelderin tazartý jáne kirme joldar boiynsha qajetti sharalar qabyldanýda.
«Mundai kólemdi apat sońǵy ret 1995 jyly bolǵan. Jaýynnyń táýliktik mólsheri ádettegiden birneshe ese asyp túsip, Izmirdi sý basyp ketti. Ókinishke qarai, bir adam qaza tapty. Onyń máiiti Menderes aýdanyndaǵy Enikioiden tabyldy. Qazirgi ýaqytta qaza tapqan adamnyń kim ekenin anyqtaý jumystary júrgizilip jatyr. 20 kólik quraly sý astynda qaldy jáne 775 nysandy sý basty», - deidi ol.
Bilik apattyń betin qaitarý úshin barlyq sharany qoldanyp jatyr.
