Japoniia kólik ministrligi sársenbi kúni Tokiodaǵy taksi júrgizýshilerine maska taqpaǵan jolaýshylardy kóligine mingizbeýge ruqsat berdi, dep habarlaidy KYODO NEWS agenttigi.
Jańa Koronavirýstyń tarap ketpeýi úshin bul dáleldi sebep dep esepteldi.
Tokionyń taksi parkteri ministrlikten erejeniń bir bóligine ózgeris engizýdi surady. Sebebi keibir mas jolaýshylar maska taqpaidy ári daýdyrlap sóilep mazany alady. Sondai-aq taksi júrgizýshileriniń virýsty juqtyrý alý qaýpin joǵarylatady.
Ministrliktegilerdiń málimdeýinshe, ereje júrgizýshiler ǵana emes, taksige minetin ózge jolaýshylardyń qaýipsizdigi úshin de qabyldandy.
Sársenbi kúni Tokioda 122 virýs juqtyrý oqiǵasy tirkelip, astanadaǵy jalpy infektsiiaǵa shaldyqqandar sany 31 624-ke jetti. Bul Japoniianyń 47 prefektýrasynyń ishindegi eń joǵary kórsetkish.
