Pandemiia Tokio Olimpadasynyń qarsańynda medalden úmitti sportshylardyń jaraqatyn der kezinde emdeýge múmkindik bermegen. Ulttyq Olimpiada komiteti bas assambleiasynyń otyrysynda komitettiń bas hatshysy Andrei Kriýkov osyndai pikir bildirdi, dep habarlaidy QazAqparat.
«Sondai-aq, jaraqat máselesin de kedergi faktor retinde ataýǵa bolady. Pandemiia kezinde sapaly meditsinalyq servistiń bolmaýy jaraqattardyń qordalanýyna ákelgen. Pandemiia kezinde medalden úmitti sportshylardyń kóbinde jaraqat bolǵanyn anyqtap otyrmyz. Ony shekteýlerdiń kesirinen sol kezde emdeý múmkindigi bolmady», - dedi komitettiń bas hatshysy.
Onyń sózinshe, kei sport túrlerinen bapkerler daiyndyqty álsiretip alǵan.
«Eń negizgi sebepterdiń biri – baǵana da aitqanymdai, olimpiadalyq rezervtiń joqtyǵy. Tokio oiyndary olimpiadalyq rezervtiń deńgeii - negizgi problemanyń biri ekenin kórsetti. Pandemiia bastalǵannan beri olimpiadalyq daiarlyq ortalyqtarynyń jumysy túgeldei toqtatylǵan bolatyn. Sońǵy eki jylda olimpiadalyq rezervtiń jas býynyn joǵaltý kelesi olimpiadalarda jaǵymsyz áserlerge ákelýi múmkin», - dedi Andrei Kriýkov.
