Taldyqorǵanda Olimpiada júldegerlerine baspana syiǵa tartyldy, - dep habarlaidy "Ult aqparat".
Aýyr atletterge eki jáne úsh bólmeli páter sertifikattaryn óńir basshysy Amandyq Batalov saltanatty túrde tabystady. Sondai-aq sportshylardy baptaǵan jattyqtyrýshy Sergei Sedovqa 2 mln teńge syiaqy berildi.
Kúnshyǵys elinde Qazaqstannyń kók bairaǵyn jelbiretken qos sportshynyń jetistikteri Jetisý halqynyń da abyroiyn asqaqtatqanyn atap ótken oblys ákimi atletterdiń óz sheberligin shyńdaýǵa barlyq jaǵdai jasaýǵa ýáde berdi.
Sportshylar óz kezeginde bul nátijemen toqtap qalmai áli de eńbektenip, Parij Olimpiadasynda óner kórsetýge kúsh salatynyn jetkizdi.
Aita ketý kerek Tokio Olimpiadasyna Almaty oblysynan 10 sportshy qatysqan bolatyn.
«Bir jyldan keiin Aziia oiyndary ótedi. Azdaǵan jaraqattarym bar. Solardy emdep alyp, osy qurlyq dodasyna daiyndalam. Odan keiin Parij Olimpiadasy. Bári oidaǵydai bolsa sol jarystan «altyn» alamyn degen ózime úlken maqsat qoiyp otyrmyn», - dedi Tokio Olimpiadasynyń qola júldegeri Igor Son.
