Mádeniet jáne sport ministri Aqtoty Raiymqulova Tokio Olimpiadasyna shegerilýine bailanysty Qazaqstanda osy jartyjyldyqta 4,3 mlrd teńge únemdelip, biýdjetke qaitarylǵanyn málimdedi, dep habarlaidy QazAqparat.
«Pandemiiaǵa bailanysty búkil álemde iri sporttyq sharalardyń bári de keiinge shegerildi. Ózderińiz biletindei, Olimpiada oiyndary da kelesi jylǵa qaldyryldy. Jazǵy Olimpiada oiyndary osy jyldyń shilde aiynyń aiaǵy men tamyz aiynyń basynda ótýi tiis bolatyn. Osyǵan bailanysty halyqaralyq jáne litsenziialyq saiystardyń ótkizilý kestesine de aitarlyqtai ózgerister engizildi», - dedi Aqtoty Raiymqulova OKQ alańy arqyly halyq aldynda esep berý kezdesýinde.
Ministr qazirgi ýaqytta qazaqstandyq sportshylar óz jattyǵýlaryna kiriskendigin aityp ótti.
«Alaida Olimpiada kelesi jylǵa qaldyrylǵannan keiin biylǵy jartyjyldyqta 4,3 mlrd teńge únemdelip, memlekettik biýdjetke qaitaryldy», - dedi Aqtoty Raiymqulova.
