Tokiodaǵy Olimpiada oiyndarynyń uiymdastyrýshylary basshylyqty alyp júretin sheteldik delegatsiialardyń maksimaldy sanyn 12-den 40-qa deiin kóbeitpek. Bul týraly juma kúni NHK telearnasy málim etti, dep habarlaidy "Ult aqparat".
Basynda el joǵary deńgeide usynylǵan jaǵdaida ár delegatsiianyń shektik quramy 12 adamnan aspaý kerek dep shamalanǵan. Alaida bul talap týrasynda kúzettiń qysqarǵan quramymen jetkilikti qaýipsizdik deńgeiin qamtamasyz etý múmkin emestigi jóninde aryzdar aityldy. Nátijesinde uiymdastyrýshylar delegatsiiadaǵy alyp júretin adamdardyń sanyn 18-ge, kerek jaǵdaida 40-qa kóbeitý týraly sheshim qabyldady. Sheteldik ókilderge koronavirýsqa qarsy vaktsinalaýdan aldyn ala ótip, Japoniiada bes kúnnen kópke qalmaýǵa keńes beriledi, dep habarlaidy telearna.
Jekelegen jaǵdailarda delegatsiialarǵa alys qashyqtyqqa sapar jasaý úshin qoǵamdyq kólikti qoldanýǵa ruqsat etiledi. Olardan bógde adamdarmen bailanysqa túspeýi suralady. Delegatsiia músheleri osyndai talaptarǵa kelisim berip, qoldarynda koronavirýs saraptamasynyń teris nátijesi bolǵan jaǵdaida Japoniiaǵa kelgen sátte mindetteletin eki aptalyq karantinnen bosatylady.
Eske sala keteiik, Tokiodaǵy Olimpiada 2020 jyldyń 24 shildesi men 9 tamyzy aralyǵynda ótýi kerek bolatyn. Pandemiia saldarynan oiyndar ýaqyty bir jylǵa jyljyp, 2021 jyldyń 23 shildesi men 8 tamyzy aralyǵynda ótetin boldy.
