Búgin Italiianyń Triest qalasynda sý dobynan Tokio Olimpiadasyna irikteý týrnirinde Qazaqstan áielder quramasy Vengriiadan jeńilip qaldy, dep habarlaidy "Ult aqparat".
Oiyn barysynda vengriialyq vaterpolshy qyzdardyń basymdyǵy aiqyn ańǵarylyp turdy.
Birinshi kezeńde vengriialyqtar 7:2, odan keiin 6:3 esebimen jeńdi.
Úshinshi jáne tórtinshi kezeńde olar 5:1, 5:0 esebimen taǵy da basymdyq tanytty.
Nátijesinde Qazaqstan quramasy qarsylasyna 6:23 esebimen ese jiberdi.
Esterińizge sala ketelik, qazaqstandyq vaterpolshy qyzdar V tobynda synǵa túsip jatyr.
Qarsylastary - Grekiia, Vengriia jáne Izrail quramalary. Búgin Grekiia men Izrail vaterpolshylary da sheberlik baiqasady.
Keshe quramamyz Grekiiadan 5:13 esebimen jeńilip qaldy.
Endi qazaqstandyq sportshylar 21 qańtarda Izrailmen oinaidy. Al Grekiia men Vengriia ózara myqtyny anyqtaidy.
Aita ketelik, Qazaqstan quramasy Olimpiadada eki márte baq synady. Atap aitqanda, 2000 jyly - 6, 2004 jyly - 8 oryn aldy.
