Tokiodaǵy Olimpiada oiyndaryn uiymdastyrýshylar shyǵyndardy azaitý boiynsha usynystar paketiniń aiasynda resmi tulǵalardyń sanyn 10-15 paiyzǵa qysqartýǵa nietti. Bul týraly Kiodo agenttigi habarlady.
Oiyndar naýryz aiynda koronavirýs pandemiiasyna bailanysty keiinge qaldyrylǵan. Endi uiymdastyrýshylar da, Halyqaralyq Olimpiada komiteti de buryn bolyp kórmegen bir jyldyq keshigýge bailanysty ony qosymsha shyǵyndardan jeńildetýdi kózdep otyr.
Atap aitqanda, uiymdastyrý komiteti nysandardy jaryqtandyrý men qosymsha qýat kózderiniń sanyn azaitatyn infraqurylym reformalaryn usyndy. Oiyndardy jeńildetý sharalarynyń aiasynda 52 pýnkt qarastyrylyp otyr.
Qaita qaraý jospary boiynsha Olimpiadanyń saltanatty ashylýy men jabylýy rásimine adamdardy shaqyrý sany 20 paiyzǵa qysqartylmaq, sondai-aq ondaǵy tamaq pen sýsynnyń máziri de qaita qarastyrylady. Endi bul Olimpiadaǵa qatysatyn resmi tulǵalar jáne olarmen bailanysty toptarǵa qoǵamdyq kólikpen júrýine týra keledi.
121 kúndik estafetanyń uzaqtyǵy ózgermegenimen, onyń shtattyq kestesi men qyzmettik kólikterdi paidalaný qysqartylady.
