توكيوداعى وليمپيادا ويىندارىن ۇيىمداستىرۋشىلار شىعىنداردى ازايتۋ بويىنشا ۇسىنىستار پاكەتٸنٸڭ اياسىندا رەسمي تۇلعالاردىڭ سانىن 10-15 پايىزعا قىسقارتۋعا نيەتتٸ. بۇل تۋرالى كيودو اگەنتتٸگٸ حابارلادى.
ويىندار ناۋرىز ايىندا كوروناۆيرۋس پاندەميياسىنا بايلانىستى كەيٸنگە قالدىرىلعان. ەندٸ ۇيىمداستىرۋشىلار دا, حالىقارالىق وليمپيادا كوميتەتٸ دە بۇرىن بولىپ كٶرمەگەن بٸر جىلدىق كەشٸگۋگە بايلانىستى ونى قوسىمشا شىعىنداردان جەڭٸلدەتۋدٸ كٶزدەپ وتىر.
اتاپ ايتقاندا, ۇيىمداستىرۋ كوميتەتٸ نىسانداردى جارىقتاندىرۋ مەن قوسىمشا قۋات كٶزدەرٸنٸڭ سانىن ازايتاتىن ينفراقۇرىلىم رەفورمالارىن ۇسىندى. ويىنداردى جەڭٸلدەتۋ شارالارىنىڭ اياسىندا 52 پۋنكت قاراستىرىلىپ وتىر.
قايتا قاراۋ جوسپارى بويىنشا وليمپيادانىڭ سالتاناتتى اشىلۋى مەن جابىلۋى رەسٸمٸنە ادامداردى شاقىرۋ سانى 20 پايىزعا قىسقارتىلماق, سونداي-اق ونداعى تاماق پەن سۋسىننىڭ مەزٸرٸ دە قايتا قاراستىرىلادى. ەندٸ بۇل وليمپياداعا قاتىساتىن رەسمي تۇلعالار جەنە ولارمەن بايلانىستى توپتارعا قوعامدىق كٶلٸكپەن جٷرۋٸنە تۋرا كەلەدٸ.
121 كٷندٸك ەستافەتانىڭ ۇزاقتىعى ٶزگەرمەگەنٸمەن, ونىڭ شتاتتىق كەستەسٸ مەن قىزمەتتٸك كٶلٸكتەردٸ پايدالانۋ قىسقارتىلادى.
