2020 jyly Tokioda ótetin Jazǵy Olimpiada oiyndaryna qatysatyn ulttyq qurama sportshylarynyń kiim úlgisine ashyq konkýrs jariialandy, dep habarlaidy QR Ulttyq Olimpiadalyq komitetiniń baspasóz qyzmeti.
«Biz olimpiadashylardy ádemi formamen qamtamasyz etip qana qoimai, talantty sheberlerdi, sýretshiler men dizainerlerdi qoldap, zamanaýi sporttyq kiimder shyǵarýda jańa tendentsiialardy qoldanýyna múmkindik berip, elimizdegi olimpiadalyq qozǵalysqa nazar aýdartqymyz keledi», - delingen UOK habarlamasynda.
Konkýrsqa ótinimder 2019 jyldyń 14 qazanynan 14 qarashasyna deiin qabyldanady. Kelip túsken barlyq jumystar Qazaqstan UOK resmi saity men áleýmetti jelidegi paraqshalarynda jariialanady.
Jeńimpazdy jankúierler pikirin eskere otyryp, arnaiy komissiia quramy anyqtaidy. Oǵan Qazaqstan UOK men Qazaqstan Respýblikasynyń Mádeniet jáne sport ministrliginiń ókilderi, sport qairatkerleri men el namysyn qorǵap júrgen sportshylar kiredi. Qazaqstan ulttyq quramasynyń paradtyq jáne sporttyq kiim úlgisi boiynsha eń jaqsy dizain ideiasynyń avtorlary aqshalai syilyqtarǵa ie bolady.
Konkýrs nátijesi 2019 jyldyń 23 qarashasynda Olympic.kz saityna shyǵady.
Konkýrs erejesimen myna silteme arqyly tanysýǵa bolady.
Eske sala keteiik, 2020 jyldyń 24 shilde men 9 tamyz kúnderi Japoniia astanasy Tokio qalasynda XXXII jazǵy Olimpiada oiyndary ótedi.
