2020 جىلى توكيودا ٶتەتٸن جازعى وليمپيادا ويىندارىنا قاتىساتىن ۇلتتىق قۇراما سپورتشىلارىنىڭ كيٸم ٷلگٸسٸنە اشىق كونكۋرس جارييالاندى, دەپ حابارلايدى قر ۇلتتىق وليمپيادالىق كوميتەتٸنٸڭ باسپاسٶز قىزمەتٸ.
«بٸز وليمپياداشىلاردى ەدەمٸ فورمامەن قامتاماسىز ەتٸپ قانا قويماي, تالانتتى شەبەرلەردٸ, سۋرەتشٸلەر مەن ديزاينەرلەردٸ قولداپ, زاماناۋي سپورتتىق كيٸمدەر شىعارۋدا جاڭا تەندەنتسييالاردى قولدانۋىنا مٷمكٸندٸك بەرٸپ, ەلٸمٸزدەگٸ وليمپيادالىق قوزعالىسقا نازار اۋدارتقىمىز كەلەدٸ», - دەلٸنگەن ۇوك حابارلاماسىندا.
كونكۋرسقا ٶتٸنٸمدەر 2019 جىلدىڭ 14 قازانىنان 14 قاراشاسىنا دەيٸن قابىلدانادى. كەلٸپ تٷسكەن بارلىق جۇمىستار قازاقستان ۇوك رەسمي سايتى مەن ەلەۋمەتتٸ جەلٸدەگٸ پاراقشالارىندا جارييالانادى.
جەڭٸمپازدى جانكٷيەرلەر پٸكٸرٸن ەسكەرە وتىرىپ, ارنايى كوميسسييا قۇرامى انىقتايدى. وعان قازاقستان ۇوك مەن قازاقستان رەسپۋبليكاسىنىڭ مەدەنيەت جەنە سپورت مينيسترلٸگٸنٸڭ ٶكٸلدەرٸ, سپورت قايراتكەرلەرٸ مەن ەل نامىسىن قورعاپ جٷرگەن سپورتشىلار كٸرەدٸ. قازاقستان ۇلتتىق قۇراماسىنىڭ پارادتىق جەنە سپورتتىق كيٸم ٷلگٸسٸ بويىنشا ەڭ جاقسى ديزاين يدەياسىنىڭ اۆتورلارى اقشالاي سىيلىقتارعا يە بولادى.
كونكۋرس نەتيجەسٸ 2019 جىلدىڭ 23 قاراشاسىندا Olympic.kz سايتىنا شىعادى.
كونكۋرس ەرەجەسٸمەن مىنا سٸلتەمە ارقىلى تانىسۋعا بولادى.
ەسكە سالا كەتەيٸك, 2020 جىلدىڭ 24 شٸلدە مەن 9 تامىز كٷندەرٸ جاپونييا استاناسى توكيو قالاسىندا XXXII جازعى وليمپيادا ويىندارى ٶتەدٸ.
