2020 jyly Japoniia astanasy Tokioda ótetin Jazǵy Olimpiada oiyndary boiynsha ulttyq qurama enshisinde ázirge sporttyń 14 túrinen 25 litsenziia bar, dep habarlaidy "Ult aqparat".
«Ulttyq quramany 2020 jyly Tokioda ótetin Olimpiada oiyndaryna daiyndaý boiynsha keshendi jospar jasaldy. Basty maqsat – tórtjyldyqtyń basty dodasy úshin Olimpiada joldamalaryna qol jetkizý», - dedi OKQ-da ótken baspasóz máslihatynda Mádeniet jáne sport ministrliginiń Sport jáne dene shynyqtyrý isteri komiteti tóraǵasy Serik Sápiev.
Onyń aitýynsha, osy jyldyń sońyna deiin ulttyq qurama 28 litsenziialyq Álem chempionaty, 19 Aziia birinshiligi men 12 álemdik irikteý týrnirine qatysady. 2020 jyly 3 Álem chempionaty, 19 Aziia jáne 18 Álemdik týrnirlerinde óner kórsetedi. Josparlanǵan jarystardyń qorytyndysy boiynsha, 2016 jylǵy Olimpiada oiyndarynan kem bolmaityn litsenziia alý josparlanyp (32 sport túrinen 105 litsenziia) otyr.
«Búgin de Ulttyq qurama enshisinde 14 sport túrinen 25 litsenziia bar», - dedi Serik Sápiev.
Eske sala ketsek, buǵan deiin Tokioda ótetin Jazǵy Olimpiada oiyndaryna qatysatyn ulttyq qurama sportshylarynyń kiim úlgisine ashyq konkýrs jariialanǵan bolatyn.
