Avtomobil joldary komiteti basshysy men birneshe ákim orynbasarlary qyzmetinen ketti. Bul týraly Memleket basshysynyń baspasóz hatshysy Berik Ýáli málimdedi, - dep habarlaidy "Ult aqparat".
"Prezident Qasym-Jomart Toqaevtyń tapsyrmasy boiynsha respýblikalyq jáne jergilikti joldardyń qurylysy men jóndeý jumystaryn retke keltirý jalǵasyp jatyr. Osy saladaǵy jumystardy jáne baqylaýdy bosańsytyp alǵany úshin Indýstriia jáne infraqurylymdyq damý ministrligi Avtomobil joldary komitetiniń tóraǵasy S.Barmaqov, Batys Qazaqstan, Soltústik Qazaqstan jáne Aqtóbe oblystary ákimderiniń orynbasarlary T.Shákimov, I.Týrkov jáne N.Qalaýovtar qyzmetinen bosatyldy.
Úkimet, ákimder, quqyq qorǵaý organdary biýdjet qarjysynyń tiimsiz jumsalýynyń aldyn alý, jol qurylysy salasyndaǵy keleńsizdikterdi joiý úshin sharalar qabyldap jatyr", - dedi Berik Ýáli.
Aita keteiik, Ulan Álipov Prezident synynan keiin "QazAvtoJol" ulttyq kompaniiasynyń basshysy qyzmetinen ketkeni habarlanǵan edi.
