Memleket basshysy Qasym-Jomart Toqaev prezidenttiń buqaralyq aqparat quraldary salasyndaǵy syilyqtaryn berý, granttaryn tapsyrý jáne Alǵysyn jariialaý týraly ókimge qol qoidy, dep habarlaidy Aqorda.
***
Eldiń áleýmettik-ekonomikalyq jáne qoǵamdyq-saiasi damýyn aqparattyq turǵydan qamtamasyz etý isindegi buqaralyq aqparat quraldarynyń eleýli rólin eskere otyryp, Qazaqstan Respýblikasy Prezidentiniń buqaralyq aqparat quraldary salasyndaǵy syilyqtaryn berý, granttaryn tapsyrý jáne Alǵysyn jariialaý jónindegi qoǵamdyq komissiianyń usynymyn qarai kelip:
Qazaqstan Respýblikasy Prezidentiniń buqaralyq aqparat quraldary salasyndaǵy syilyqtary:
Zaharchýk Vera Nikolaevnaǵa – «Habar 24» telearnasynyń jańalyqtar bóliminiń júrgizýshisine, otandyq telejýrnalistikany damytýǵa qosqan úlesi úshin;
Isabaeva Sáýle Borisqyzyna – «Qmonitor.kz» jelilik basylymynyń sholýshysyna, internet keńistiginde aqparat taratý isin damytýǵa qosqan úlesi úshin;
Qutpanbaev Baqyt Jaǵyparulyna – «Qazaq» jáne «Shalqar» radiolarynyń Almaty stýdiiasynyń jetekshisine, Qazaqstannyń óńirlik saiasatyn aqparattyq turǵydan qamtamasyz etýge qosqan úlesi úshin;
Oishybaeva Jannat Baqtyǵulqyzyna – «Qazaqstan temir joly» ulttyq kompaniiasy» aktsionerlik qoǵamynyń BAQ-pen jumys departamentiniń bas menedjerine, Qazaqstan damýynyń ózekti máselelerin qamtyǵan aqparattyq-taldamalyq qyzmeti úshin berilsin;
Qazaqstan Respýblikasy Prezidentiniń buqaralyq aqparat quraldary salasyndaǵy granttary:
Baiǵaraev Nurmuhamed Ismanulyna – «AIQYN» respýblikalyq qoǵamdyq-saiasi gazetiniń bas redaktoryna, baspa buqaralyq aqparat quraldaryn damytýǵa qosqan eleýli úlesi úshin;
Nuraqyn Dias Ermekulyna – «KTK» telearnasynyń aqparattyq baǵdarlamalar direktsiiasy ortalyq redaktsiiasynyń redaktoryna, Qazaqstan televiziiasyn damytýǵa qosqan úlesi úshin;
Tolyqbaev Maqsat Málikulyna – «QAZAQSTAN» ulttyq telearnasy «Ashyq alań» qoǵamdyq-saiasi tok-shoýynyń júrgizýshisine, Qazaqstan Respýblikasy Prezidentiniń qyzmetin belsendi túrde jan-jaqty túsindirip, jariialap-kórsetkeni úshin;
Hasanov Serikbol Tilepbergenulyna – «Munara» gazetiniń bas redaktoryna, Qazaqstan jýrnalistikasyn jáne ulttyq buqaralyq aqparat quraldaryn damytýǵa qosqan eleýli úlesi úshin tapsyrylsyn;
Qazaqstan Respýblikasy Prezidentiniń buqaralyq aqparat quraldary salasyndaǵy Alǵysy:
«Aqiqat» ulttyq qoǵamdyq-saiasi jýrnalynyń shyǵarmashylyq ujymyna – elimizdiń buqaralyq aqparat quraldaryn damytýǵa qosqan eleýli úlesi úshin;
«Vechernii Almaty» gazetiniń shyǵarmashylyq ujymyna – qoǵamdyq-saiasi, áleýmettik-ekonomikalyq jáne mádeni-gýmanitarlyq salalardyń damýyn aqparattyq turǵydan qamtamasyz etýge qosqan zor úlesi úshin;
«Qazaq radiolary» jaýapkershiligi shekteýli seriktestiginiń shyǵarmashylyq ujymyna – ulttyq radio salasyn damytýǵa qosqan eleýli úlesi úshin;
«Saryarqa» telearnasynyń shyǵarmashylyq ujymyna – óńirlik jýrnalistikany damytýǵa qosqan úlesi úshin jariialansyn.
"Osy ókim buqaralyq aqparat quraldarynda jariialansyn", - delingen habarlamada.
