Prezident Qasym-Jomart Toqaev Erevan qalasyna jumys saparymen bardy, - dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysy UQShU-nyń aldyn ala bekitilgen jumys josparyna sai ótetin Ujymdyq qaýipsizdik keńesiniń otyrysyna qatysady", - delingen habarlamada.
UQShU sammitine Qazaqstan, Resei, Belarýs, Qyrǵyzstan jáne Tájikstan prezidentteri qatysady dep josparlanyp otyr. Kezdesýge UQShU bas hatshysy da qatysady. Ol buǵan deiin aldaǵy ýaqytta ókilettik merzimin arttyrý qajet dep sanaitynyn málimdegen. Onyń merzimi 2023 jyldyń 1 qańtarynda aiaqtalady. Sársenbi kúni UQShU elderiniń basshylary Ujymdyq qaýipsizdik keńesinde bas hatshyny rotatsiialaý máselesin qaraidy.
Sessiia barysynda halyqaralyq jáne óńirlik qaýipsizdiktiń ózekti máseleleri men sessiiaaralyq kezeńdegi UQShU qyzmetiniń negizgi nátijeleri talqylanady. UQShU daǵdarysqa qarsy áreket etý júiesin jetildirý jáne Armeniiaǵa kómek kórsetý boiynsha birlesken sharalardy talqylaý mańyzdy máselelerdiń biri bolmaq. Otyrys barysynda Ujymdyq qaýipsizdik keńesiniń deklaratsiiasy qabyldanady degen jospar bar.
