Qazaqstan Prezidenti Qasym-Jomart Toqaev óziniń Twitter-degi akkaýntynda eldegi joldardyń jaǵdaiy týraly pikir bildirdi.
"Elimizdegi respýblikalyq jáne jergilikti joldardyń jaǵdaiyna qatysty azamattardyń aityp júrgen syny oryndy. Sapasyz jasalǵan jol jyl saiyn jóndeýdi qajet etedi jáne buǵan memlekettiń qarjysy tiimsiz jumsalyp jatyr.
Úkimetke, ákimder men quqyq qorǵaý organdaryna jaǵdaidy retteý úshin júieli sharalar qabyldap, onyń esebin berýdi tapsyrdym", - dep málimdedi ol.
Eske sala keteiik, buǵan deiin Nur-Sultan ákimi Altai Kólginov qalada jóndelgen joldardyń sapasyz ekenin aitqan bolatyn. Ol jumysqa salǵyrt qaraityn merdigerler qara tizimge engiziletinin habarlady. Keibir joldardyń jóndelgenine úsh-tórt jyl ótpese de, qaita jóndeýdi qajet etip otyr, dep ashýlandy elorda basshysy.
