Uly Abaidyń «Paida oilama, ar oila. Talap qyl artyq bilýge» deitin ósietin únemi este ustaý kerek. Bul týraly búgin Jastar jylynyń jabylý jáne Volonter jylynyń ashylý saltanatynda Memleket basshysy Qasym-Jomart Toqaev aitty, dep habarlaidy QazAqparat.
«Urpaǵyn aialai bilgen halyq irgeli jurtqa ainalatyndyǵy belgili. Biz halqymyzdy álemge tanytqan eń asyl qasietterdi sizderdiń boilaryńyzdan kórgimiz keledi. Uly Abaidyń «Paida oilama, ar oila. Talap qyl artyq bilýge» deitin ósietin únemi este ustaý kerek», - dedi Qasym-Jomart Toqaev.
Memleket basshysy Jastar jylynda óskeleń urpaqty qoldaý úshin kóptegen jumys atqarylǵanyn aitty.
«Osy mańyzdy jyl aiasyndaǵy jobalardy iske asyrý kezinde dańǵazalyqtan bas tartyp, naqty ispen ainalystyq. Memlekettik organdar birneshe mańyzdy baǵyt boiynsha jumys júrgizdi», - dedi QR Prezidenti.
