Qasym-Jomart Toqaev Sadyr Japarovqa quttyqtaý jedelhatyn joldady, dep habarlaidy Aqorda.
Memleket basshysy Qasym-Jomart Toqaev Qyrǵyz Respýblikasynyń jańa Konstitýtsiiasynyń qabyldanýyna orai Qyrǵyzstan Prezidenti Sadyr Japarovqa quttyqtaý jedelhatyn joldady.
– Búkil halyq qoldaǵan Ata zań Qyrǵyzstannyń uzaqmerzimdi damý strategiiasynyń berik negizin qalaityn, el egemendiginiń qorǵany bolatyn jáne qoǵamdy biriktiretin basty qujat. Sizdiń bastamalaryńyz ben reformalaryńyzdyń sátti júzege asýy qyrǵyz memlekettiligin nyǵaitýǵa, halyqtyń ál-aýqatyn arttyrýǵa jáne eldiń halyqaralyq arenadaǵy bedelin kóterýge septigin tigizedi. Qazaqstan Qyrǵyzstannyń strategiialyq seriktesi ári odaqtasy retinde baýyrlas qyrǵyz halqyna aldaǵy ýaqytta da jan-jaqty qoldaý kórsete berýge daiyn, – delingen jedelhatta.
Sóz sońynda Qasym-Jomart Toqaev qyrǵyz halqynyń igiligi men ósip-órkendeýi jolyndaǵy Sadyr Japarovtyń jaýapty qyzmetine tolaǵai tabys tiledi.
Eske sala keteiik, búgin Qyrǵyzstan Prezidenti eldiń jańa Konstitýtsiiasyna qol qoiǵan bolatyn.
