Prezident Qasym-Jomart Toqaev Jahandyq jasyl ósý institýtyn qurý týraly zańǵa qol qoidy, - dep habarlaidy "Ult aqparat" Aqorda saityna silteme jasap.
"Memleket basshysy "Jahandyq jasyl ósý institýtyn qurý týraly kelisimdi ratifikatsiialaý týraly" Qazaqstan Respýblikasynyń Zańyna qol qoidy", - delingen habarlamada.
Zań qazaqstandyq sarapshylarǵa Jahandyq jasyl ósý institýtynyń bilim bazasyna qoljetkizýge múmkindik beredi. Sondai-aq, Zań osy baǵytta jumys isteitin halyqaralyq uiymdarmen jáne halyqaralyq institýttarmen yntymaqtastyqty arttyrýǵa baǵyttalǵan ekonomikalyq jasyl ósý modelin qurýǵa múmkindik beredi.
"Bul kelisim elimizde jasyl ekonomika modelin engizýge járdemdesýge baǵyttalǵan. Qabyldanǵan zań Jahandyq jasyl ósý institýtynyń seriktes elderimen jasyl tehnologiialar salasynda tájiribe almasýǵa múmkindikter ashady. Bul Qazaqstannyń teńgerimdi jáne turaqty damýyna yqpal etedi", - dedi Senat spikeri Máýlen Áshimbaev.
