Memleket basshysy Qasym-Jomart Toqaev Qazaqstan Respýblikasy Prezidenti janyndaǵy Ulttyq quryltaidyń músheleri Serik Aqylbai men Sergei Hýdiakovty qabyldady, - dep habarlaidy "Ult aqparat" Aqorda saityna silteme jasap.
Kezdesýde Prezident "Qazaqstan zańgerler odaǵy" respýblikalyq qoǵamdyq birlestiginiń tóraǵasy Serik Aqylbaimen otandyq quqyq júiesin damytýdyń keibir aspektilerin talqylady. Ulttyq quryltai múshesi Memleket basshysyna elimizdegi reformalar aiasynda azamattardyń quqyqtyq saýatyn arttyrý týraly usynystaryn jetkizdi.
Sonymen qatar Qasym-Jomart Toqaev Ulttyq quryltaidyń múshesi, Soltústik Qazaqstan oblysy Qoǵamdyq keńesiniń ókili, "Jergilikti ózin-ózi basqarýdy damytý institýty" jekeshe mekemesiniń direktory Sergei Hýdiakovty qabyldady. Júzdesýde turǵyn úi saiasaty men jergilikti ózin-ózi basqarý júiesin odan ári jetildirýge qatysty birqatar usynys aityldy. Sondai-aq, Sergei Hýdiakov qoǵamdyq birlikti nyǵaitý jóninde kózqarasyn bildirdi.
