مەملەكەت باسشىسى قاسىم-جومارت توقاەۆ قازاقستان رەسپۋبليكاسى پرەزيدەنتٸ جانىنداعى ۇلتتىق قۇرىلتايدىڭ مٷشەلەرٸ سەرٸك اقىلباي مەن سەرگەي حۋدياكوۆتى قابىلدادى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
كەزدەسۋدە پرەزيدەنت "قازاقستان زاڭگەرلەر وداعى" رەسپۋبليكالىق قوعامدىق بٸرلەستٸگٸنٸڭ تٶراعاسى سەرٸك اقىلبايمەن وتاندىق قۇقىق جٷيەسٸن دامىتۋدىڭ كەيبٸر اسپەكتٸلەرٸن تالقىلادى. ۇلتتىق قۇرىلتاي مٷشەسٸ مەملەكەت باسشىسىنا ەلٸمٸزدەگٸ رەفورمالار اياسىندا ازاماتتاردىڭ قۇقىقتىق ساۋاتىن ارتتىرۋ تۋرالى ۇسىنىستارىن جەتكٸزدٸ.
سونىمەن قاتار قاسىم-جومارت توقاەۆ ۇلتتىق قۇرىلتايدىڭ مٷشەسٸ, سولتٷستٸك قازاقستان وبلىسى قوعامدىق كەڭەسٸنٸڭ ٶكٸلٸ, "جەرگٸلٸكتٸ ٶزٸن-ٶزٸ باسقارۋدى دامىتۋ ينستيتۋتى" جەكەشە مەكەمەسٸنٸڭ ديرەكتورى سەرگەي حۋدياكوۆتى قابىلدادى. جٷزدەسۋدە تۇرعىن ٷي ساياساتى مەن جەرگٸلٸكتٸ ٶزٸن-ٶزٸ باسقارۋ جٷيەسٸن ودان ەرٸ جەتٸلدٸرۋگە قاتىستى بٸرقاتار ۇسىنىس ايتىلدى. سونداي-اق, سەرگەي حۋدياكوۆ قوعامدىق بٸرلٸكتٸ نىعايتۋ جٶنٸندە كٶزقاراسىن بٸلدٸردٸ.
