Memleket basshysy Qasym-Jomart Toqaev Ulttyq keńestiń tórtinshi otyrysynda elimizdiń odan ary qarqyndy damýy úshin jańa tásil, tyń serpin qajettigin aitty, dep habarlaidy "Ult aqparat".
«Ulttyq qoǵamdyq senim keńesi - qoǵam ókilderi men sarapshylardyń jabyq klýby emes. Bul - udaiy jańaryp otyratyn ashyq dialog alańy. Munda túrli ustanym men kózqaras turǵysynan san alýan pikir aitylady. Rotatsiianyń negizgi masqaty da osy. Ulttyq keńeste bátýaǵa kelý qaǵidatymen ótkir máselelerge degen syndarly kózqaras ornyqqan. Bul – bizdiń qoǵamdaǵy ózara pikir almasý mádenietiniń aiqyn kórsetkishi ári elimizdiń turaqty damýynyń mańyzdy faktory. Indetten týyndaǵan daǵdarys pen álemdegi kúrdeli ahýal kezinde elimizdiń odany ary qarqyndy damýy úshin jańa tásil, tyń serpin qajet», - dedi Qasym-Jomart Toqaev Ulttyq qoǵamdyq senim keńesiniń otyrysynda.
Prezidenttiń aitýynsha, biylǵy Joldaýda barlyq másele ashyq aitylyp, ony sheshýdiń naqty joldary usynylǵan.
«Memlekettik basqarýdyń tiimdiligin kúsheitý ideiasy – Joldaýdyń negizgi ózeginde turǵan másele. Jalpy memlekettik basqarýdyń júiesin reformalaý – óz aldyna keń aýqymdy mindet. Tipti, bul - barlyq reformalardyń qainar kózi. Memleketti jańǵyrtýdyń basty arqaýy desek artyq emes. Biz bul reformany memlekettik josparlaý júiesin qaita qurý isinen bastaýdy uiǵardyq. Osy maqsatpen strategiialyq josparlaý jáne reformalar agenttigi quryldy. Agenttik óz jumysyn bastap ta ketti. Biraq myna nárseni durys túsiný kerek. Jańa agenttik alǵa qoilyǵan mindetterdi sheshýge arnalǵan negizgi qural», - dedi ol.
