Úkimet eki aptalyq merzimniń ishinde turǵyn úi saiasatyn jetildirý boiynsha usynystardyń jańa toptamasyn ázirleýi tiis. Bul týraly Úkimettiń keńeitilgen otyrysynda Memleket basshysy Qasym-Jomart Toqaev aitty, dep habarlaidy "Ult aqparat".
Biz «5-10-20» turǵyn úi baǵdarlamasyn iske qostyq. Ol halyq tarapynan úlken qyzyǵýshylyq týdyrdy. Qazirdiń ózinde 5 myńnan astam zaem berildi. Osy baǵdarlamanyń aiasynda óńirlerde qoljetimdi kredittik úiler salynyp jatyr. Degenmen, onyń júzege asyrý qarqynynyń tómendegeni baiqalady. 9,5 myń ǵana turǵyn úi salynǵan nemese jospardyń 56 paiyzy ǵana oryndalyp otyr. Úkimetke eki aptalyq merzimniń ishinde turǵyn úi saiasatyn jetildirý boiynsha usynystardyń jańa toptamasyn engizýdi tapsyramyn», - dedi QR Prezidenti.
