Qasym-Jomart Toqaev Úkimet basshysyna energetikalyq aktivterdi memleketke qaitarýdy tapsyrdy. Bul týraly Prezidenttiń baspasóz hatshysy Rýslan Jeldibai áleýmettik jelidegi paraqshasynda jazdy, - dep habarlaidy "Ult aqparat".
"Memleket basshysy Premer-Ministr Álihan Smailovqa elimizdiń qalalaryndaǵy problema jii týyndaityn energetikalyq aktivterdi memleket menshigine qaitarý máselesin qarastyrýdy tapsyrdy. Sebebi atalmysh aktivterdi sapasyz basqarý saldarynan jylý elektr stansalary apatqa jii ushyrap, tutynýshylardy elektr qýatymen úzdiksiz qamtamasyz ete almai otyr.
Ekibastuzda ortalyq jylý berýdiń toqtap qalýynan habardar bolǵan Prezident qala turǵyndarynyń jaǵdaiyna alańdaýshylyq bildirdi. Turǵyndarǵa tiisti kómek beriledi. Memleket basshysynyń pikirinshe, azamattardyń turmys-tirshiligine qiyndyq týdyrýǵa jáne olardyń quqyn aiaqasty etýge jol berýge bolmaidy.
Úkimetke jáne oblys ákimdigine taiaý kúnderi Ekibastuzdaǵy jaǵdaidy qalypqa keltirý, qaladaǵy aýyr ahýalǵa jol bergen adamdardy jaýapqa tartý jóninde tapsyrma berdi" - dep jazdy Rýslan Jeldibai.
