Úkimet pen Ulttyq bank infliatsiiany maqsatty dálizge, iaǵni 2022 jylǵa deiin 4,7 paiyzdyq deńgeige qaitaryp, 2025 jylǵa deiin 3-4 paiyzǵa azaitýy kerek. Quzyretti organdarǵa Memleket basshysy Qasym-Jomart Toqaev osyndai tapsyrma berdi, dep habarlaidy QazAqparat.
«Infliatsiianyń turaqty tómendeýi, infliatsiialyq jáne devalvatsiialyq boljamdardyń turaqtalýy – aqsha-nesie saiasatyn jeńildetýdiń negizgi sharttary. Sol sebepti Úkimet pen Ulttyq bank infliatsiiany maqsatty dálizge, iaǵni 2022 jylǵa deiin 4,7 paiyzdyq deńgeige qaitaryp, 2025 jylǵa deiin 3-4 paiyzǵa azaitýy kerek. Bul jóninde Ulttyq bank tóraǵasy baiandamasynda aitty. Alaida bul mindetti endi oryndaý kerek», - dedi Qasym-Jomart Toqaev Úkimettiń keńeitilgen otyrysynda.
Memleket basshysynyń aitýynsha, qarjy sektorynyń turaqtylyǵy – ekonomikany damytýda aiqyndaýshy faktor.
«Byltyr bank aktivterine táýelsiz taldaý júrgizildi. Keshendi stress-testileý ótkizildi. Qarjylyq turaqtylyqty qamtamasyz etý jónindegi jeke josparlar ázirlendi. Bul bankterdiń bárine birdei kómektese qoiǵan joq. Qarjy naryǵyn retteý jáne damytý agenttigine bankter men olardyń aktsionerleriniń jeke jospardaǵy sharalaryn mindetti túrde oryndaýyn qadaǵalaýdy tapsyramyn», - dedi Qasym-Jomart Toqaev.
