Úkimet karantin rejimin saqtaý jónindegi sharalardy kúsheitýge mindetti. Bul týraly QR Prezidenti Qasym-Jomart Toqaev Twitter-degi paraqshasynda jazdy, dep habarlaidy "Ult aqparat".
«Búkil álemde pandemiia órship tur. Ol Qazaqstandy da ainalyp ótpedi. Indet júzdegen eńbekker men zeinetkerdi, qarttar men jastardy, ataqty azamattarymyz ben qarapaiym adamdardy aramyzdan alyp ketip jatyr. Dańqty palýan, qoǵam qairatkeri J.Úshkempirovtiń qazasy týraly habardy zor kúizelispen qabyldadym. Osy dertten qaitys bolǵan azamattardyń qazasy qabyrǵama batty. Koronavirýs pen ókpe qabynýy saldarynan qaitys bolǵandardyń sany áli de joǵary», - dep jazdy Memleket basshysy.
Sondai-aq Prezident densaýlyq saqtaý ministrligi men barlyq meditsinalyq mekemelerdiń basty mindeti – ólim-jitim deńgeiin eń tómengi shekke deiin túsirý ekendigin atap ótti.
«Úkimet azamattardyń karantin rejimin saqtaý jónindegi sharalardy kúsheitýge mindetti. Onsyz pandemiiaǵa qarsy kúreste jeńiske jetý múmkin emes», - dedi Qasym-Jomart Toqaev.
