ٷكٸمەت كارانتين رەجيمٸن ساقتاۋ جٶنٸندەگٸ شارالاردى كٷشەيتۋگە مٸندەتتٸ. بۇل تۋرالى قر پرەزيدەنتٸ قاسىم-جومارت توقاەۆ Twitter-دەگٸ پاراقشاسىندا جازدى, دەپ حابارلايدى "ۇلت اقپارات".
«بٷكٸل ەلەمدە پاندەمييا ٶرشٸپ تۇر. ول قازاقستاندى دا اينالىپ ٶتپەدٸ. ٸندەت جٷزدەگەن ەڭبەككەر مەن زەينەتكەردٸ, قارتتار مەن جاستاردى, اتاقتى ازاماتتارىمىز بەن قاراپايىم ادامداردى ارامىزدان الىپ كەتٸپ جاتىر. داڭقتى پالۋان, قوعام قايراتكەرٸ ج.ٷشكەمپٸروۆتٸڭ قازاسى تۋرالى حاباردى زور كٷيزەلٸسپەن قابىلدادىم. وسى دەرتتەن قايتىس بولعان ازاماتتاردىڭ قازاسى قابىرعاما باتتى. كوروناۆيرۋس پەن ٶكپە قابىنۋى سالدارىنان قايتىس بولعانداردىڭ سانى ەلٸ دە جوعارى», - دەپ جازدى مەملەكەت باسشىسى.
سونداي-اق پرەزيدەنت دەنساۋلىق ساقتاۋ مينيسترلٸگٸ مەن بارلىق مەديتسينالىق مەكەمەلەردٸڭ باستى مٸندەتٸ – ٶلٸم-جٸتٸم دەڭگەيٸن ەڭ تٶمەنگٸ شەككە دەيٸن تٷسٸرۋ ەكەندٸگٸن اتاپ ٶتتٸ.
«ٷكٸمەت ازاماتتاردىڭ كارانتين رەجيمٸن ساقتاۋ جٶنٸندەگٸ شارالاردى كٷشەيتۋگە مٸندەتتٸ. ونسىز پاندەميياعا قارسى كٷرەستە جەڭٸسكە جەتۋ مٷمكٸن ەمەس», - دەدٸ قاسىم-جومارت توقاەۆ.
