Qasym-Jomart Toqaev Túrkiianyń Respýblika kúnine orai prezident Rejep Taiyp Erdoǵanǵa jáne barsha túrik halqyna júrekjardy quttyqtaýyn joldady, - dep habarlaidy "Ult aqparat" Aqordanyń baspasóz qyzmetine silteme jasap.
"Ult birligi men yntymaǵynyń aiqyn kórinisi, erkindik pen jasampazdyqtyń biregei nyshany bolǵan bul kúnniń el tarihynda orny erekshe ekeni sózsiz. Osy qundylyqtardy tý etken Anadoly eli - qazirgi tańda jahandyq deńgeidegi jetistikterin búkil dúniejúzi moiyndaǵan beldi de bedeldi memleket. Munyń bári el basqarý isindegi mol tájiribeńiz ben dana saiasatyńyzdyń, qajyrly eńbegińiz ben erekshe tulǵalyq qasietterińizdiń arqasy dep bilemin. Osy tusta Sizdiń parasatty basshylyǵyńyzben Otanyńyzdyń álemdegi mártebesi odan ári asqaqtap, halqyńyzdyń yrys-berekesi eselei berýine tilektestigimdi bildiremin", - delingen quttyqtaý hatynda.
Qasym-Jomart Toqaev 30 jyl buryn Qazaqstan men Túrkiia arasynda diplomatiialyq qatynastar ornaǵanyn, búginde yntymaqtastyǵymyz keńeitilgen strategiialyq seriktestik rýhynda qarqyndy damyp kele jatqanyn aitty.
Sondai-aq, Memleket basshysy Túrkiia prezidentiniń asa jaýapty qyzmetine tolaiym tabys, otbasyna baiandy baqyt, al aǵaiyn túrik halqyna mol yrys pen qut-bereke tileitinin jetkizdi.
