Búgin QR Prezidenti Qasym-Jomart Toqaev Túrkistan oblysyna sapary aiasynda oblystyń áleýmettik-ekonomikalyq damý barysymen tanysqan. Prezident osy sharadan soń óńirdiń damý barysyna qatysty oiyn Twitter-degi paraqshasyna jazba qaldyrdy.
«Jaqynda ǵana oblys ortalyǵyna ainalǵan Túrkistanda jańa infraqurylymdyq nysandardyń ashylyp jatqany qýantady. Qala turǵyndary men týristerge arnalǵan Sapar ortalyǵy men «Jibek joly» saiabaǵy da kópshiliktiń kózaiymyna ainalatynyna senimdimin»,-dep jazdy Qasym-Jomart Toqaev.
Aita keteiik, Memleket basshysy búgin jumys saparymen Túrkistan oblysyna baryp, birqatar nysandy aralady.
