بٷگٸن قر پرەزيدەنتٸ قاسىم-جومارت توقاەۆ تٷركٸستان وبلىسىنا ساپارى اياسىندا وبلىستىڭ ەلەۋمەتتٸك-ەكونوميكالىق دامۋ بارىسىمەن تانىسقان. پرەزيدەنت وسى شارادان سوڭ ٶڭٸردٸڭ دامۋ بارىسىنا قاتىستى ويىن Twitter-دەگٸ پاراقشاسىنا جازبا قالدىردى.
«جاقىندا عانا وبلىس ورتالىعىنا اينالعان تٷركٸستاندا جاڭا ينفراقۇرىلىمدىق نىسانداردىڭ اشىلىپ جاتقانى قۋانتادى. قالا تۇرعىندارى مەن تۋريستەرگە ارنالعان ساپار ورتالىعى مەن «جٸبەك جولى» ساياباعى دا كٶپشٸلٸكتٸڭ كٶزايىمىنا اينالاتىنىنا سەنٸمدٸمٸن»,-دەپ جازدى قاسىم-جومارت توقاەۆ.
ايتا كەتەيٸك, مەملەكەت باسشىسى بٷگٸن جۇمىس ساپارىمەن تٷركٸستان وبلىسىنا بارىپ, بٸرقاتار نىساندى ارالادى.
