Búgin Memleket basshysy Qasym-Jomart Toqaev Tsifrlyq damý, innovatsiialar jáne aeroǵarysh ónerkásibi ministri Baǵdat Mýsindi qabyldady. Qabyldaýda ministr internet bailanysynyń, ásirese, aýyldyq jerlerdegi sapasy men qoljetimdiligin arttyrý, «Tsifrlyq Qazaqstan» memlekettik baǵdarlamasyn transformatsiialaý, sondai-aq, memlekettik qyzmetti onlain formatqa kóshirý jumystary týraly esep berdi, - dep habarlaidy «Ult aqparat».
Ministr Prezidentke innovatsiialyq ekojúieni qalyptastyrý joldary, aeroǵarysh salasyn damytý, sonymen qatar, eksportqa shyǵarylatyn básekege qabiletti ónim ázirleý úshin IT salasy boiynsha kásibi mamandar daiarlaý jospary jóninde baiandady.
«Tsifrly Qazaqstan» memlekettik baǵdarlamasyna ózgerister engizildi. Ýaqyt talabyna sáikes biz eldiń tsifrly damýynyń bes basym baǵytyn aiqyndadyq. Atap aitqanda, aqparattyq-kommýnikatsiialyq tehnologiialar infraqurylymyn damytý; tsifrly úkimetti damytý; halyqtyń tsifrly saýatyn arttyrý; tsifrly keńistikte qaýipsizdikti jáne quqyqtardy qorǵaýdy qamtamasyz etý; ekonomika salalaryn tsifrlandyrý jáne aýqymdy derekterdi engizý», - dedi QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin.
Memleket basshysy bilim berý platformasyn damytýdyń, qashyqtan bilim berý úderisine tehnikalyq turǵydan kómek kórsetýdiń, memlekettik qarjylai qoldaý sharalaryn elektrondy oqýlyqtar men tsifrlyq bilim berý resýrstaryn damytýǵa baǵyttaýdyń mańyzdylyǵyn atap ótti.
Sonymen qatar Qasym-Jomart Toqaev Baǵdat Mýsinge memlekettik qyzmetti paidalaný kezinde biometriia tetikterin engizý, tsifrlandyrýdy basqarý júiesine reforma júrgizý, «Zerde» holdinginiń róli men jaýapkershiligin arttyrý jóninde birqatar mindet júktedi. Memleket basshysy radiotolqyndardy bólýdiń ashyq tetikterin engizýdi tapsyrdy.
Aita keteiik, búgingi tańda elimizde halyqtyń 97 paiyzy internetke qol jetkizgen. Tsifrly saýattylyq deńgeii 82,1 paiyz bolsa, avtomattandyrylǵan memlekettik qyzmetterdiń úlesi 83 paiyzǵa jetken. Osy oraida, ministr mynadai máselelerdi sheshýdi usyndy: birinshiden, memleketaralyq elektrondy qujat ainalymyn retteý qajet. Ekinshiden, avtokólik saýdasyna qatysty másele bar. Kólikter bir elden satyp alynyp, ekinshi elde ereje buzady, al onyń aiyppulyn kimnen alý kerektigin bilmeimiz. Mine, osyndai máseleler alǵa tartyldy.
Osy oraida aita keteiik, QR tsifrlyq damý, innovatsiialar jáne aeroǵarysh ónerkásibi birinshi vitse-ministri bolyp Ánýar Ahmetjanov taǵaiyndaldy. Ol 2016-2019 jyldary QR Qorǵanys jáne aeroǵarysh ónerkásibi ministrliginiń jaýapty hatshysy. 2019 jyly QR tsifrlyq damý, Qorǵanys jáne aeroǵarysh ónerkásibi ministrliginiń jaýapty hatshysy. 2019 jyldyń tamyz aiynan bastap qazirge deiin QR tsifrlyq damý, innovatsiialar jáne aeroǵarysh ónerkásibi ministrliginiń jaýapty hatshysy qyzmetin atqarǵan.
Esterińizge salaiyq, búgin Memleket basshysy Qasym-Jomart Toqaev Tsifrlyq damý, innovatsiialar jáne aeroǵarysh ónerkásibi ministri Baǵdat Mýsindi qabyldady. Qabyldaýda ministr internet bailanysynyń, ásirese, aýyldyq jerlerdegi sapasy men qoljetimdiligin arttyrý, «Tsifrlyq Qazaqstan» memlekettik baǵdarlamasyn transformatsiialaý, sondai-aq, memlekettik qyzmetti onlain formatqa kóshirý jumystary týraly esep berdi. Al Memleket basshysy Qasym-Jomart Toqaev Baǵdat Mýsinge memlekettik qyzmetti paidalaný kezinde biometriia tetikterin engizý, tsifrlandyrýdy basqarý júiesine reforma júrgizý, «Zerde» holdinginiń róli men jaýapkershiligin arttyrý jóninde birqatar mindet júktedi. Memleket basshysy radiotolqyndardy bólýdiń ashyq tetikterin engizýdi tapsyrdy.
