بٷگٸن مەملەكەت باسشىسى قاسىم-جومارت توقاەۆ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسيندٸ قابىلدادى. قابىلداۋدا مينيستر ينتەرنەت بايلانىسىنىڭ, ەسٸرەسە, اۋىلدىق جەرلەردەگٸ ساپاسى مەن قولجەتٸمدٸلٸگٸن ارتتىرۋ, «تسيفرلىق قازاقستان» مەملەكەتتٸك باعدارلاماسىن ترانسفورماتسييالاۋ, سونداي-اق, مەملەكەتتٸك قىزمەتتٸ ونلاين فورماتقا كٶشٸرۋ جۇمىستارى تۋرالى ەسەپ بەردٸ, - دەپ حابارلايدى «ۇلت اقپارات».
مينيستر پرەزيدەنتكە يننوۆاتسييالىق ەكوجٷيەنٸ قالىپتاستىرۋ جولدارى, اەروعارىش سالاسىن دامىتۋ, سونىمەن قاتار, ەكسپورتقا شىعارىلاتىن بەسەكەگە قابٸلەتتٸ ٶنٸم ەزٸرلەۋ ٷشٸن IT سالاسى بويىنشا كەسٸبي ماماندار دايارلاۋ جوسپارى جٶنٸندە باياندادى.
«تسيفرلى قازاقستان» مەملەكەتتٸك باعدارلاماسىنا ٶزگەرٸستەر ەنگٸزٸلدٸ. ۋاقىت تالابىنا سەيكەس بٸز ەلدٸڭ تسيفرلى دامۋىنىڭ بەس باسىم باعىتىن ايقىندادىق. اتاپ ايتقاندا, اقپاراتتىق-كوممۋنيكاتسييالىق تەحنولوگييالار ينفراقۇرىلىمىن دامىتۋ; تسيفرلى ٷكٸمەتتٸ دامىتۋ; حالىقتىڭ تسيفرلى ساۋاتىن ارتتىرۋ; تسيفرلى كەڭٸستٸكتە قاۋٸپسٸزدٸكتٸ جەنە قۇقىقتاردى قورعاۋدى قامتاماسىز ەتۋ; ەكونوميكا سالالارىن تسيفرلاندىرۋ جەنە اۋقىمدى دەرەكتەردٸ ەنگٸزۋ», - دەدٸ قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين.
مەملەكەت باسشىسى بٸلٸم بەرۋ پلاتفورماسىن دامىتۋدىڭ, قاشىقتان بٸلٸم بەرۋ ٷدەرٸسٸنە تەحنيكالىق تۇرعىدان كٶمەك كٶرسەتۋدٸڭ, مەملەكەتتٸك قارجىلاي قولداۋ شارالارىن ەلەكتروندى وقۋلىقتار مەن تسيفرلىق بٸلٸم بەرۋ رەسۋرستارىن دامىتۋعا باعىتتاۋدىڭ ماڭىزدىلىعىن اتاپ ٶتتٸ.
سونىمەن قاتار قاسىم-جومارت توقاەۆ باعدات مۋسينگە مەملەكەتتٸك قىزمەتتٸ پايدالانۋ كەزٸندە بيومەترييا تەتٸكتەرٸن ەنگٸزۋ, تسيفرلاندىرۋدى باسقارۋ جٷيەسٸنە رەفورما جٷرگٸزۋ, «زەردە» حولدينگٸنٸڭ رٶلٸ مەن جاۋاپكەرشٸلٸگٸن ارتتىرۋ جٶنٸندە بٸرقاتار مٸندەت جٷكتەدٸ. مەملەكەت باسشىسى راديوتولقىنداردى بٶلۋدٸڭ اشىق تەتٸكتەرٸن ەنگٸزۋدٸ تاپسىردى.
ايتا كەتەيٸك, بٷگٸنگٸ تاڭدا ەلٸمٸزدە حالىقتىڭ 97 پايىزى ينتەرنەتكە قول جەتكٸزگەن. تسيفرلى ساۋاتتىلىق دەڭگەيٸ 82,1 پايىز بولسا, اۆتوماتتاندىرىلعان مەملەكەتتٸك قىزمەتتەردٸڭ ٷلەسٸ 83 پايىزعا جەتكەن. وسى ورايدا, مينيستر مىناداي مەسەلەلەردٸ شەشۋدٸ ۇسىندى: بٸرٸنشٸدەن, مەملەكەتارالىق ەلەكتروندى قۇجات اينالىمىن رەتتەۋ قاجەت. ەكٸنشٸدەن, اۆتوكٶلٸك ساۋداسىنا قاتىستى مەسەلە بار. كٶلٸكتەر بٸر ەلدەن ساتىپ الىنىپ, ەكٸنشٸ ەلدە ەرەجە بۇزادى, ال ونىڭ ايىپپۇلىن كٸمنەن الۋ كەرەكتٸگٸن بٸلمەيمٸز. مٸنە, وسىنداي مەسەلەلەر العا تارتىلدى.
وسى ورايدا ايتا كەتەيٸك, قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ بٸرٸنشٸ ۆيتسە-مينيسترٸ بولىپ ەنۋار احمەتجانوۆ تاعايىندالدى. ول 2016-2019 جىلدارى قر قورعانىس جەنە اەروعارىش ٶنەركەسٸبٸ مينيسترلٸگٸنٸڭ جاۋاپتى حاتشىسى. 2019 جىلى قر تسيفرلىق دامۋ, قورعانىس جەنە اەروعارىش ٶنەركەسٸبٸ مينيسترلٸگٸنٸڭ جاۋاپتى حاتشىسى. 2019 جىلدىڭ تامىز ايىنان باستاپ قازٸرگە دەيٸن قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ جاۋاپتى حاتشىسى قىزمەتٸن اتقارعان.
ەستەرٸڭٸزگە سالايىق, بٷگٸن مەملەكەت باسشىسى قاسىم-جومارت توقاەۆ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسيندٸ قابىلدادى. قابىلداۋدا مينيستر ينتەرنەت بايلانىسىنىڭ, ەسٸرەسە, اۋىلدىق جەرلەردەگٸ ساپاسى مەن قولجەتٸمدٸلٸگٸن ارتتىرۋ, «تسيفرلىق قازاقستان» مەملەكەتتٸك باعدارلاماسىن ترانسفورماتسييالاۋ, سونداي-اق, مەملەكەتتٸك قىزمەتتٸ ونلاين فورماتقا كٶشٸرۋ جۇمىستارى تۋرالى ەسەپ بەردٸ. ال مەملەكەت باسشىسى قاسىم-جومارت توقاەۆ باعدات مۋسينگە مەملەكەتتٸك قىزمەتتٸ پايدالانۋ كەزٸندە بيومەترييا تەتٸكتەرٸن ەنگٸزۋ, تسيفرلاندىرۋدى باسقارۋ جٷيەسٸنە رەفورما جٷرگٸزۋ, «زەردە» حولدينگٸنٸڭ رٶلٸ مەن جاۋاپكەرشٸلٸگٸن ارتتىرۋ جٶنٸندە بٸرقاتار مٸندەت جٷكتەدٸ. مەملەكەت باسشىسى راديوتولقىنداردى بٶلۋدٸڭ اشىق تەتٸكتەرٸن ەنگٸزۋدٸ تاپسىردى.
