Memleket basshysy Qasym-Jomart Toqaev BUU Bas Assambleiasy 74-shi sessiiasynyń resmi is-sharalary aiasynda AQSh Prezidenti Donald Tramppen qysqa kezdesý ótkizdi, dep habarlaidy Aqordanyń baspasóz qyzmeti.
Áńgimelesý barysynda eki el kóshbasshylary Qazaqstan men Amerikanyń keńeitilgen strategiialyq seriktestiginiń ózekti máseleleri men perspektivalaryn talqylady.
Qasym-Jomart Toqaev AQSh-pen saiasi, saýda-ekonomikalyq, gýmanitarlyq, sondai-aq óńirlik jáne jahandyq qaýipsizdikti qamtamasyz etý salalaryndaǵy jan-jaqty qarym-qatynastardy odan ári nyǵaitýdy jalǵastyra beretinin atap ótti.
