Qasym-Jomart Toqaev beine konferentsiia formatynda ótken Ujymdyq qaýipsizdik týraly shart uiymy Ujymdyq qaýipsizdik keńesiniń sessiiasyna qatysty, dep habarlaidy Aqordanyń baspasóz qyzmeti.
Sammitke Qazaqstan Prezidentimen qatar Belarýs Prezidenti Aleksandr Lýkashenko, Resei Prezidenti Vladimir Pýtin, Tájikstan Prezidenti Emomali Rahmon, Armeniianyń Premer-Ministri Nikol Pashinian, Qyrǵyzstan Prezidentiniń mindetin atqarýshy Talant Mamytov, sondai-aq, UQShU Bas hatshysy Stanislav Zas qatysty.
Memleketter basshylary halyqaralyq jáne óńirlik qaýipsizdik máseleleri jóninde pikir almasty. UQShU-nyń 2020 jylǵy basym baǵyttarynyń iske asyrylýy qorytyndylanyp, aldaǵy jospary naqtylandy.
Terrorlyq sipattaǵy zamanaýi syn-qaterler men tegeýrinderge qarsy is-qimyldar jáne olarmen kúresýge baǵyttalǵan naqty sharalarǵa, esirtkiniń zańsyz ainalymyna, kiber qaýipsizdik salasyndaǵy birlesken kúsh-jigerge erekshe nazar aýdaryldy.
Qasym-Jomart Toqaev Sammit qatysýshylarynyń aldynda sóilegen sózinde sharany uiymdastyrǵany úshin Resei Prezidenti Vladimir Pýtinge rizashylyǵyn bildirip, UQShU-ǵa tóraǵalyq etýdegi Resei tarapynyń joǵary kásibiligin jáne búgingi sharanyń mańyzdylyǵyn atap ótti.
Sonymen qatar Memleket basshysy Tájikstan Prezidenti Emomali Rahmondy 2021 jyly UQShU-ǵa tóraǵalyq etý mindetin qabyldap alýymen quttyqtady.
Qasym-Jomart Toqaev memleketaralyq qarym-qatynastardaǵy múddeler qaishylyǵynyń shielenise túsýimen sipattalatyn óńirlik jáne jahandyq qaýipsizdik salasyndaǵy qazirgi ahýal týraly aita kele, Taýly Qarabaqtaǵy áskeri qimyldardyń toqtatylýyna sebepshi bolǵan Resei Prezidenti Vladimir Pýtinniń bitimgershilik rólin joǵary baǵalady.
– Resei tarapynyń belsendi qatysýymen qol jetkizilgen kelisim – daǵdarys kezinde qabyldanǵan jalǵyz ári durys sheshim. Meniń oiymsha, atalǵan kelisim óńirde beibitshiliktiń uzaq merzimge ornaýyna sebepshi bolmaq. Bul – shyn máninde tarihi sheshim, – dedi Qazaqstan Prezidenti.
Memleket basshysynyń pikirinshe, koronavirýs pandemiiasynyń saldarynan týyndap, álemdik saiasat pen ekonomikada jalǵasyp kele jatqan aýyr jaǵdai ózara salynǵan sanktsiialardyń, shekteýler men saýda soǵystarynyń sebebinen ýshyǵa túsýde. Ekstremizm men terrorizm, esirtki biznesi, kiber qaýipsizdik, zańsyz migratsiiamen bailanysty jańa jahandyq syn-qaterler men tegeýrinderdiń kúsheie túsýi alańdaýshylyq týdyrýda. Qasym-Jomart Toqaev atap ótkendei, mundai jaǵdaida beibitshilikti nyǵaitý, barlyq aimaqta qaýipsizdik pen turaqtylyqty qamtamasyz etý maqsatyndaǵy memleketaralyq is-qimyldardyń naqty tetigi retinde UQShU-nyń róli artyp keledi.
Qazaqstan Prezidenti Sammit qatysýshylaryna elimizde aldaǵy ýaqytta bolatyn parlament sailaýy, sondai-aq, júzege asyrylyp jatqan birqatar demokratiialyq reformalar jóninde aitty. Sonymen qatar sailaý kezinde elimizge UQShU-ǵa múshe memleketterden, sondai-aq, TMD jáne UQShU Parlamenti assambleialarynan baqylaýshylar kútetinin jetkizdi.
Memleket basshysy Uiymdy odan ary damytýǵa, sondai-aq, jańa institýt qurýǵa, Bitimgerlik máseleleri boiynsha UQShU Bas hatshysynyń arnaiy ókilin taǵaiyndaýǵa qatysty birqatar usynys aitty.
Qasym-Jomart Toqaev sózin qorytyndylai kele, UQShU jumysyna atsalysý – Qazaqstannyń syrtqy saiasatyndaǵy negizgi basymdyqtardyń biri ekenin atap ótti.
– Ujymdyq qaýipsizdik týraly shart uiymy halyqaralyq saiasattaǵy eleýli faktordyń biri ekeni jáne Eýraziia qurlyǵynyń basym bóliginde qaýipsizdikti qamtamasyz etýde oń ról atqaratyny qýantady. Biz burynǵydai beibitshilikti, qaýipsizdikti qamtamasyz etý jáne halyqtarymyzdyń ósip-órkendeýi úshin tiimdi sheshimderdi izdestirý jolynda áriptesterimizben odan ári belsendi túrde ózara kúsh jumyldyrýǵa daiynbyz, – dedi Qazaqstan Prezidenti.
Sammit qorytyndysy boiynsha memleketter basshylary Ujymdyq qaýipsizdik keńesiniń deklaratsiiasyn jáne ádil ári ornyqty álem qurý jóninde Saiasi málimdeme qabyldady.
Sessiia barysynda qabyldanǵan qujattar UQShU qyzmetiniń ózekti salalaryn odan ári nyǵaitýǵa baǵyttalady, sondai-aq, Uiymnyń ashyqtyǵyn, basqa memlekettermen jáne halyqaralyq qurylymdarmen yntymaqtastyqty nyǵaitýǵa ázir ekenin kórsetedi.
Uiymǵa tóraǵalyq etý mindeti Reseiden Tájikstanǵa ótti. UQShU Ujymdyq qaýipsizdik keńesiniń kelesi sessiiasy 2021 jyly Tájikstannyń aýmaǵynda bolady.
***
UQShU Ujymdyq qaýipsizdik keńesi sessiiasynyń qorytyndysy boiynsha 15 qujat maquldanyp, qabyldandy:
1. Ujymdyq qaýipsizdik týraly shart uiymy Ujymdyq qaýipsizdik keńesiniń deklaratsiiasy.
2. Ujymdyq qaýipsizdik týraly shart uiymy Ujymdyq qaýipsizdik keńesiniń ádiletti jáne ornyqty álemdik ahýal qalyptastyrý týraly málimdemesi.
3. Ujymdyq qaýipsizdik týraly shart uiymy Ujymdyq qaýipsizdik keńesiniń «Ujymdyq qaýipsizdik týraly shart uiymyna múshe memleketterdiń 2021-2025 jyldarǵa arnalǵan áskeri yntymaqtastyqty damytý jospary týraly» sheshimi.
4. Ujymdyq qaýipsizdik týraly shart uiymy Ujymdyq qaýipsizdik keńesiniń «Ujymdyq qaýipsizdik týraly shart uiymyna múshe memleketterdiń 2021-2025 jyldarǵa arnalǵan esirtkige qarsy strategiiasy týraly» sheshimi.
5. Ujymdyq qaýipsizdik týraly shart uiymy Ujymdyq qaýipsizdik keńesiniń «Ujymdyq qaýipsizdik týraly shart uiymy aiasynda áskeri maqsatta birlese ázirlenetin jáne óndiriletin ónimderdiń ómir boiy sapasyn qamtamasyz etýdiń jáne oǵan baqylaý jasaýdyń keshendi ári júieli tujyrymdamasy týraly» sheshimi.
6. Ujymdyq qaýipsizdik týraly shart uiymy Ujymdyq qaýipsizdik keńesiniń «Ujymdyq qaýipsizdik týraly shart uiymyna múshe memleketterdiń memlekettik bilik organdaryna kadrlar daiarlaý júiesin jetildirý jónindegi qosymsha sharalar týraly» sheshimi.
7. Ujymdyq qaýipsizdik týraly shart uiymy Ujymdyq qaýipsizdik keńesiniń «Ujymdyq qaýipsizdik týraly shart uiymynyń Bitimgerlik kúshterindegi qyzmetshilerdi daiyndaý jónindegi bazalyq oqý-ádistemelik jumystaryn uiymdastyrý týraly» sheshimi.
8. Ujymdyq qaýipsizdik týraly shart uiymy Ujymdyq qaýipsizdik keńesiniń «Ujymdyq qaýipsizdik týraly shart uiymyna múshe memleketterdiń bitimgerlik kontingentiniń quramy men ornalasýy jónindegi Hattamasy týraly» sheshimi.
9. Ujymdyq qaýipsizdik týraly shart uiymy Ujymdyq qaýipsizdik keńesiniń «Ujymdyq qaýipsizdik týraly shart uiymynyń Hatshylyǵyndaǵy kvotalyq laýazymdardy bólý týraly» sheshimi.
10. Ujymdyq qaýipsizdik týraly shart uiymy Ujymdyq qaýipsizdik keńesiniń «Ujymdyq qaýipsizdik týraly shart uiymynyń 2019 jylǵa arnalǵan biýdjetiniń jumsalýy jónindegi esebi týraly» sheshimi.
11. Ujymdyq qaýipsizdik týraly shart uiymy Ujymdyq qaýipsizdik keńesiniń «Ujymdyq qaýipsizdik týraly shart uiymynyń 2021 jylǵa arnalǵan biýdjeti týraly» sheshimi.
12. Ujymdyq qaýipsizdik týraly shart uiymy Ujymdyq qaýipsizdik keńesiniń «Ujymdyq qaýipsizdik týraly shart uiymynyń nagradalarymen marapattaý týraly» sheshimi.
13. Ujymdyq qaýipsizdik týraly shart uiymy Ujymdyq qaýipsizdik keńesiniń «Uiymǵa tóraǵalyq etý, Ujymdyq qaýipsizdik qeńesiniń kezekti sessiiasynyń ótkizilý ýaqyty men orny týraly» hattamalyq sheshimi.
14. Ujymdyq qaýipsizdik týraly shart uiymynyń Áskerin (Ujymdyq kúshterin) materialdyq-tehnikalyq jáne meditsinalyq turǵydan birlesip qamtamasyz etý týraly kelisim. (Qujat UQShU organdary qarap, kelisim bergen soń, sondai-aq, halyqaralyq sharttarǵa qol qoiý úshin qajetti memlekettik ishki rásimderden keiin UQShU Ujymdyq qaýipsizdik keńesiniń múshelerine qol qoiýǵa jiberiledi).
15. Ujymdyq qaýipsizdik týraly shart uiymynyń 2007 jylǵy 6 qazandaǵy Bitimgerlik is-qimyldar týraly kelisimine ózgerister engizý týraly hattama. (Qujat halyqaralyq sharttarǵa qol qoiý úshin qajetti memlekettik ishki rásimder aiaqtalǵannan keiin UQShU Ujymdyq qaýipsizdik keńesiniń múshelerine qol qoiýǵa jiberiledi).
