Elimizdiń sýdialary qalyptasqan oilaý júiesin ózgertip otyrýy qajet. Bul týraly QR sýdialarynyń VIII sezinde Memleket basshysy Qasym-Jomart Toqaev aitty, dep habarlaidy "Ult aqparat".
«Sot júiesin reformalaý salasynda aitarlyqtai ilgerileý bolýy úshin eń aldymen sýdialardyń kásibiligine, ádil sot pen sot isin basqarýdyń sapasyna negizdelgen túbegeili jańa tásilderge bet burýymyz kerek. Sondyqtan biz mynadai basym baǵyttarǵa erekshe máne berýmiz qajet. Birinshi - adam quqyqtary jáne zańnyń ústemdiligi. Álemdegi alpaýyt elderdiń turaqty damýy adam quqyqtaryn qorǵaý jáne zańnyń ústemdik etý máselesine tikelei bailanysty. Sýdialar korpýsy ózderiniń kúndelikti jumysynda osy ustanymdar men qundylyqtardy basshylyqqa alýǵa tiis», - dedi Qasym-Jomart Toqaev.
Prezident sýialarymyz adam quqyqtarynyń múltiksiz saqtalýyn basty nazarda ustaýy kerektigin airyqsha atap ótti.
«Elimizdiń sýdialary udaiy túrde kásibi biliktilikterin arttyryp, jumys tásilderin jetildirip, qalyptasqan oilaý júiesin ózgertip otyrýy qajet. Bul úshin sot salasyndaǵy ózekti halyqaralyq úderisterdi eskerip, sýdialardyń halyqaralyq qaýymdastyǵymen tyǵyz bailanys ornatý mańyzdy», - dedi Memleket basshysy.
