Foto: Akorda.kz
Memleket basshysy Qasym-Jomart Toqaev elimizdiń áleýmettik-ekonomikalyq damý máseleleri jónindegi keńeitilgen keńeste sýbsidiiaǵa qoly jetpei júrgen qarapaiym sharýalardyń máselesin kóterdi, dep habarlaidy "Ult aqparat".
Onyń aitýynsha, agroónerkásip keshenin damytýǵa bólinetin biýdjet qarajaty tiimdi jumsalýǵa tiis. Muny muqiiat qadaǵalaý qajet.
"2019-2021 jyldary ónim óńdeýge berilgen sýbsidiiany alaiyq. Bul qarajattyń teń jartysy sýbsidiia alam deýshilerdiń 10 paiyzynyń ǵana qolyna tigen.
Sýbsidiia alǵan keibir pysyqailar óndiristi órkendetýdiń ornyna biýdjet qarjysyn qaltasyna basyp, shalqyp ómir súrgen. Al qarapaiym sharýalar úshin sýbsidiia alý – qiiamettiń qiyny.
Onyń ústine, sýbsidiia berý júiesi óte kúrdeli jáne qajetti málimet kópshilikke qoljetimdi emes. Sýbsidiia bólýdi retteitin jańa tsifrlyq júie bul túitkildi sheshe almai tur. Árine, birshama jumys atqaryldy. Muny joqqa shyǵarýǵa bolmaidy. Biraq bul baǵyttaǵy jumysty aiaǵyna deiin jetkizý kerek" - dedi Prezident.
Sondai-aq Memleket basshysy aýyl sharýashylyǵy taýarlaryn saqtaý jáne ótkizýdiń zamanaýi infraqurylymyn qurý jumysyn tezdetý qajet ekenin aitty.
"Kóp jaǵdaida infraqurylymnyń joqtyǵy deldaldardyń tym kóbeiýine jáne baǵanyń sharyqtaýyna ákep soǵady. Jyl saiyn 8 mln tonnadan astam kókónis pen kartap jinalsa, kókónis saqtaý qoimalarynyń jalpy syiymdylyǵy nebári 1,7 million tonna ǵana. Munyń ózi tym asyra kórsetilgen tsifr siiaqty", - dep kúmándandy Prezident.
Sondai-aq ol kókónis qoimalarynyń 60%-dan astamy tońazytqyshtarmen jabdyqtalmaǵanyn, 30%-i jiyrma jyldan astam ýaqyttan beri paidalanylyp kele jatqanyn aitty. Osynyń saldarynan ónimniń birazy búlinip, jaramsyz bolyp qalyp jatyr.
"Úkimet osy problemany sheshýmen júieli túrde ainalysýǵa tiis", - dedi Toqaev.
