Memleket basshysy Qaraǵandy farmatsevtika zaýyty shyǵarǵan "Spýtnik-V" vaktsinasyn saldyrdy. Bul týraly Prezidenttiń baspasóz hatshysy Berik Ýáli málimdedi, - dep habarlaidy "Ult aqparat".
"Búgin Memleket basshysy Qaraǵandy farmatsevtika zaýyty shyǵarǵan "Spýtnik-V" vaktsinasyn saldyrdy. Prezidenttiń vaktsina saldyrǵannan keiingi hal-jaǵdaiy jaqsy. Eshqandai janama áserler joq", - dep jazdy Berik Ýáli Facebook-paraqshasynda.
Baspasóz hatshysynyń aitýynsha, Memleket basshysy vaktsina saldyryp, ujymdyq immýnitet qalyptastyrý arqyly ǵana Qazaqstan azamattary koronavirýsty jeńe alatynyna, barlyq shekteýler alynatynyna, halyqtyń qalypty turmys-tirshiligine qaita oralatynyna senimdi.
"Qasym-Jomart Toqaev barsha halyqty meilinshe tezirek vaktsina saldyrýǵa shaqyrdy. Bul – ózińdi jáne jaqynyńdy qorǵaýdyń jalǵyz joly", - dep tolyqtyrdy ol.
