Foto: Akorda.kz
Memleket basshysy SOVICO Group kompaniiasynyń basqarma tóraǵasy Ngýen Than Hýngti qabyldady, - dep habarlaidy "Ult aqparat" Aqordanyń baspasóz qyzmetine silteme jasp.
Qasym-Jomart Toqaev Ngýen Than Hýngke iltipat bildire otyryp, óziniń biyl tamyz aiynda Vetnamǵa jasaǵan resmi saparyn eske saldy. Sapar barysynda qol jetkizilgen ýaǵdalastyqtar ekijaqty yntymaqtastyqty keńeitýge jáne ózara tiimdi kooperatsiianyń jańa baǵyttaryn ashýǵa tyń serpin berdi.
Prezident SOVICO Group kompaniiasynyń investitsiialyq qyzmetine qajetti jaǵdai jasaýǵa elimizdiń daiyn ekenin jetkizdi.
"Sizdiń Qazaqstandaǵy iskerlik belsendiligińizdi quptaimyz. Ózara yntymaqtastyq ornatatyn salalardy aiqyndai alatynymyzǵa senimdimin", – dedi Qasym-Jomart Toqaev.
Memleket basshysynyń aitýynsha, atalǵan sharalar Qazaqstan men Vetnam arasyndaǵy iskerlik bailanysty jandandyrýǵa yqpal etedi.
Kezdesý barysynda yqpaldastyqtyń perspektivti baǵyttary, sonyń ishinde kólik-logistika, qarjy jáne taý-ken salalaryndaǵy yntymaqtastyq máseleleri qarastyryldy.
