Foto: Akorda.kz
Memleket basshysy Siemens AG kompaniiasynyń basqarma tóraǵasy Roland Býshty qabyldady, dep habarlaidy "Ult aqparat" Aqordanyń resmi saityna silteme jasap.
Kelissóz barysynda ónerkásip, energetika, mashina jasaý jáne tsifrlandyrý salalaryndaǵy ózara yqpaldastyqtyń múmkindikteri jan-jaqty talqylandy.
Siemens AG kompaniiasy – kólik, energetika, meditsina qural-jabdyqtary, elektr jáne jaryq tehnikasy ónimderi men qyzmetterin usynatyn, sondai-aq ónerkásiptiń túrli salasynda arnaýly qyzmet kórsetetin Germaniia jáne Eýropa Odaǵy aýmaǵyndaǵy iri indýstriialyq konglomerat.
Qasym-Jomart Toqaev Qazaqstan naryǵyna alǵash kelgen nemis kompaniialarynyń biri – Siemens elimizdiń tehnologiialyq damýyna eleýli úles qosqanyn atap ótti. Prezident Siemens AG kompaniiasymen yntymaqtastyqtyń keleshegi zor ekenin aitty.
Kezdesýde dialogty jalǵastyrý jáne innovatsiialyq damýǵa, azamattardyń ál-aýqatyn arttyrýǵa yqpal etetin birlesken jobalardy odan ári júzege asyrý mańyzdy ekeni atap ótildi.
