Qasym-Jomart Toqaev pen Djo Kezer Qazaqstan men «Siemens AG» kompaniiasy arasyndaǵy investitsiialyq yntymaqtastyqty nyǵaitýdyń perspektivalaryn talqylady. Áńgimelesý barysynda tsifrlandyrý máselelerine basa mán berildi, dep habarlaidy "Ult aqparat" Aqordaǵa silteme jasap.
Qasym-Jomart Toqaev atalǵan baǵyttyń asa mańyzdylyǵyn atap ótip, Djo Kezerge Qazaqstanda engizilip jatqan tsifrlyq tehnologiialar týraly aitty.
– Tsifrlandyrý isin damytý – Memleket basshysy retinde, men úshin de, bizdiń Úkimetimiz úshin de asa mańyzdy. Biz osy sala boiynsha kóptegen tabysty jobalardy júzege asyrdyq. Degenmen, alǵa jyljý úshin sheshilýi tiis birqatar másele bar. Ekonomikany tsifrlandyrmai, aitarlyqtai tabysqa qol jetkizý óte qiyn, – dedi Qazaqstan Prezidenti.
Djo Kezer «Siemens AG» kompaniiasynyń Qazaqstanmen ózara yqpaldastyǵyn joǵary baǵalap, jemisti yntymaqtastyqtyń jalǵasatynyna senim bildirdi.
Kezdesýde Qazaqstan Úkimeti men «Siemens AG» kompaniiasy arasyndaǵy ózara túsinistik týraly memorandýmnyń mańyzdy ról atqaratyny aityldy. Bul qujat saýda-ekonomikalyq jáne investitsiialyq bailanystardy damytýǵa tyń serpin beredi. Atalǵan memorandýmǵa 14 aqpanda qaýipsizdik jónindegi Miýnhen konferentsiiasy aiasynda qol qoiyldy.
