Prezident Qasym-Jomart Toqaev Úkimetke shetelge zańsyz shyǵarylǵan aqshany qaitarý boiynsha usynystar ázirleýdi tapsyrdy, - dep habarlaidy Tengrinews.kz tilshisi.
"Úkimetke eki ai merzim ishinde shetelge zańsyz shyǵarylǵan qarjyny jáne onda satyp alynǵan aktivterdi elge qaitarý jóninde usynystar berý tapsyrylady. (...) Adal eńbek, ádil syiaqy ideologiiasy kompradorlar (sheteldik kapital men damýshy eldiń ulttyq naryǵy arasynda deldal bolǵan kásipker - esk.), ýaqytsha jumys isteitinder dúnietanymyn almastyrýy kerek. Bul - áleýmettik-ekonomikalyq aspektilerge, memlekettik saiasat máselelerine, ulttyq biregeilik pen jastardy tárbieleýge áser etetin Úkimet pen qoǵamnyń ortaq mindeti", - dedi Toqaev Úkimettiń keńeitilgen otyrysynda.
Prezident biznesten salyq tóleýde adaldyq pen áleýmettik jaýapkershilik talap etiletinin aitty.
"Mundai tásildiń bir kórinisi – "Qazaqstan halqyna" qoryna qaiyrymdylyq. Men buǵan deiin de aittym jáne búgin de qaitalaimyn, ony qurý negizinen iri ulttyq býrjýaziianyń esebinen júrýi kerek, degenmen basqa kompaniialardyń, sonyń ishinde sheteldik investorlardyń salymdary, árine, quptalady.
Men taǵy da aitamyn - bul májbúrleý emes. Tabysty kompaniialar men azamattardyń ulttyq igilikti maqsattarǵa qarajat bólýine múmkindik", - dep qosty ol.
