Memleket basshysy Qasym-Jomart Toqaev Rim Papasynyń Qazaqstan týraly aitqan sózin eske saldy, - dep habarlaidy Tengrinews.kz.
"Biz áli de sheteldik investorlar úshin tartymdymyz. Álemde Qazaqstan halyqaralyq isterde jaýapty jáne óz damýynda progreske qol jetkizýge baǵyttalǵan ári ózara tiimdi yntymaqtastyqqa umtylatyn serpindi damýshy el retinde tanymal. Bul, ásirese, kúrdeli geosaiasi jaǵdai, arazdyq pen senimsizdik damyp jatqanda óte mańyzdy.
Jaqynda Qazaqstanǵa kelgen Rim Papasy Frantsisk óziniń ýaǵyzdarynyń birinde elimiz "EO-nyń kezdesý jáne dialog orny" retinde kórinetinin, "beibitshilik pen adami baýyrlastyqty damytýdyń qozǵaýshy kúshi" sanalatynyn, "estitin ári syilaityn álemdi qurý jónindegi kúsh-jigerdi" basty nazarǵa alatynyn málimdedi. Pontifiktiń ári adamzattyń eń bedeldi rýhani kóshbasshylarynyń biriniń bul sózderi Qazaqstandy jaqsy sipattaidy ári qundylyqtarymyzdy erekshe kórsetedi", - dedi ol.
