«Astana» halyqaralyq qarjy ortalyǵynyń ǵimaratynda Memleket basshysynyń tóraǵalyǵymen Reformalar jónindegi joǵary keńestiń tórtinshi otyrysy ótti, dep habarlaidy "Ult aqparat" Aqordanyń resmi saityna silteme jasap.
Ashyq talqylaý formatynda ótken jiyn barysynda Premer-Ministrdiń orynbasary – Syrtqy ister ministri Muhtar Tileýberdi Sheteldik investorlar keńesin jańǵyrtý jumystarynyń qorytyndylary men investitsiia tartý jónindegi júieli sharalar týraly baiandady.
Premer-Ministrdiń orynbasary Roman Skliar shetel investorlary úshin munai-gaz salasynyń básekege qabilettiligi men investitsiialyq tartymdylyǵyn arttyrý jónindegi júieli sharalar jaiynda baiandama jasady. Qazaqstan Prezidentiniń shtattan tys keńesshisi Ser Sýma Chakrabarti ekonomikalyq ósim modeli jáne makroekonomikalyq turaqtylyqqa qol jetkizýge baǵyttalǵan reformalar týraly oi-pikirin ortaǵa saldy.
Strategiialyq josparlaý jáne reformalar agenttiginiń tóraǵasy Qairat Kelimbetov óz baiandamasynda BigData júiesin qoldana otyryp, ulttyq statistikany qalyptastyrý úderisiniń reinjiniring tujyrymdamasymen tanystyrdy. Premer-Ministrdiń birinshi orynbasary Álihan Smaiylov kásipkerlik sýbektilerdi qoldaý jónindegi jedel sharalardyń jańa toptamasynyń ázirlenýi jaiynda málimet berdi.
Sonymen qatar onlain bailanysqa shyqqan Djordj Vashington ýniversitetiniń professory, «Growth Dialogue» kompaniiasynyń basqarýshy direktory Denni Leiptsiger, Jahandyq damý ortalyǵynyń prezidenti Masýd Ahmed, «MIT Sloan» menedjment mektebiniń professory Atanasios Orfanidis Qazaqstannyń ekonomikalyq damýyna qatysty ózderiniń oi-pikirlerin ortaǵa saldy.
Jiynǵa qatysýshylardyń baiandamasyn tyńdaǵan Memleket basshysy kún tártibindegi máselelerge jáne reformalar strategiiasyn odan ári damytýdyń perspektivalaryna egjei-tegjeili toqtaldy.
Jiyn barysynda jasalǵan árbir baiandama boiynsha qyzý pikirtalas boldy. Otyrys qorytyndysy boiynsha Qasym-Jomart Toqaev jalpy usynylǵan bastamalardy qoldap, olardy júzege asyrý jóninde naqty tapsyrmalar berdi.
