QR Prezidenti Qasym-Jomart Toqaev Resei Prezidenti Vladimir Pýtinmen telefon arqyly sóilesti, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshylary saýda-ekonomikalyq jáne áskeri-tehnikalyq yntymaqtastyqtyń qazirgi ahýalyna, sondai-aq, Qazaqstanda tsifrlyq platforma qurý týraly qol jetkizilgen ýaǵdalastyqqa joǵary baǵa berdi.
Qazaqstan Prezidenti ushaq qurastyrý, avtokólik jasaý, himiia indýstriiasy salalaryndaǵy birlesken jobalarǵa kóńili tolatynyn jetkizdi. Onyń pikirinshe, biylǵy sáýir aiynda Qazan qalasynda eki memlekettiń úkimetteri arasynda qol qoiylatyn 2021-2025 jyldarǵa arnalǵan ekonomikalyq yntymaqtastyqtyń keshendi baǵdarlamasynyń mańyzy zor bolmaq.
Vladimir Pýtin Resei men Qazaqstan arasyndaǵy saýda-ekonomikalyq, áskeri-tehnikalyq jáne tsifrlyq salalar boiynsha bailanystardy nyǵaitýdyń mańyzdy ekenin atap ótti.
Áńgimelesý barysynda Qasym-Jomart Toqaev elimizge «Spýtnik V» vaktsinasynyń qosymsha bóligin jetkizý jaiynda ótinish bildirdi.
Taraptar Eýraziialyq ekonomikalyq odaqtyń áleýetin odan ári arttyrýǵa qatysty ustanymdary sáikes keletinin aityp, seriktestiktiń bul baǵytynda tyǵyz yqpaldasa jumys isteýge kelisti.
