قر پرەزيدەنتٸ قاسىم-جومارت توقاەۆ رەسەي پرەزيدەنتٸ ۆلاديمير پۋتينمەن تەلەفون ارقىلى سٶيلەستٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىلارى ساۋدا-ەكونوميكالىق جەنە ەسكەري-تەحنيكالىق ىنتىماقتاستىقتىڭ قازٸرگٸ احۋالىنا, سونداي-اق, قازاقستاندا تسيفرلىق پلاتفورما قۇرۋ تۋرالى قول جەتكٸزٸلگەن ۋاعدالاستىققا جوعارى باعا بەردٸ.
قازاقستان پرەزيدەنتٸ ۇشاق قۇراستىرۋ, اۆتوكٶلٸك جاساۋ, حيمييا يندۋستريياسى سالالارىنداعى بٸرلەسكەن جوبالارعا كٶڭٸلٸ تولاتىنىن جەتكٸزدٸ. ونىڭ پٸكٸرٸنشە, بيىلعى سەۋٸر ايىندا قازان قالاسىندا ەكٸ مەملەكەتتٸڭ ٷكٸمەتتەرٸ اراسىندا قول قويىلاتىن 2021-2025 جىلدارعا ارنالعان ەكونوميكالىق ىنتىماقتاستىقتىڭ كەشەندٸ باعدارلاماسىنىڭ ماڭىزى زور بولماق.
ۆلاديمير پۋتين رەسەي مەن قازاقستان اراسىنداعى ساۋدا-ەكونوميكالىق, ەسكەري-تەحنيكالىق جەنە تسيفرلىق سالالار بويىنشا بايلانىستاردى نىعايتۋدىڭ ماڭىزدى ەكەنٸن اتاپ ٶتتٸ.
ەڭگٸمەلەسۋ بارىسىندا قاسىم-جومارت توقاەۆ ەلٸمٸزگە «سپۋتنيك V» ۆاكتسيناسىنىڭ قوسىمشا بٶلٸگٸن جەتكٸزۋ جايىندا ٶتٸنٸش بٸلدٸردٸ.
تاراپتار ەۋرازييالىق ەكونوميكالىق وداقتىڭ ەلەۋەتٸن ودان ەرٸ ارتتىرۋعا قاتىستى ۇستانىمدارى سەيكەس كەلەتٸنٸن ايتىپ, سەرٸكتەستٸكتٸڭ بۇل باعىتىندا تىعىز ىقپالداسا جۇمىس ٸستەۋگە كەلٸستٸ.
